වයස අවුරුදු 18 සිට ජැක්පොට් ලොතරැයි දිණුම් සඳහා තරග කළ පුද්ගලයෙකු වයස අවුරුදු 50දී මිලියනපතියෙකු වූ පුවතක් මෙල්බන් නුවරින් වාර්තා වනවා.
මෙම පුද්ගලයා වසර 32ක් පුරා ලොතරැයි පත් මිලදී ගත්ත ද කිසිදු දිනුමක් ජයග්‍රහණය කිරීමට අවස්ථාව හිමිව නොතිබූ බවයි සඳහන් වන්නේ.
කෙසේ වෙතත් මෙවර දිනුම් ඇදීමකින් ඔහුට ඩොලර් මිලියන 2.4ක මුදලක් ජයග්‍රහණය කිරීමට හැකියාව ලැබී තිබෙනවා.
ජැක්පොට් මුදල ජයග්‍රහණය කිරීමත් සමග රැකියාවෙන් විශ්‍රාම ගන්නා බවට ඔහු සේවය කළ සමාගමට ද දැනුම් දී ඇතැයි සඳහන්.
තවද තම ජයග්‍රාහී මුදල නිවසෙහි අලුත්වැඩියා කටයුතුවලට මෙන්ම නිවාඩුවක් ගත කිරීම සඳහාත් යොදවන බව ඔහු ප්‍රකාශ කර තිබෙනවා.
වසර 32ක් පුරා ලොතරැයි ජයග්‍රහණයක් සඳහා අපේක්ෂාවෙන් සිටි අතර තම නිවස අසල වූ අලෙවි සැළකින් ලබාගත් ලොතරැයි පත මෙලෙස තමන්ව ජයග්‍රාහකයෙක් කිරීම ගැන සතුටට පත්වන බවයි ඔහු කියාසිටියේ.
