සංක්‍රමණිකයින් ගැන අලුත් චෝදනාවක්

ඔස්ට්‍රේලියාවට අනවසර සංක්‍රමණිකයින් පැමිණීමත් සමග දේශසීමා ආරක්ෂාව සම්බන්ධයෙන් ෆෙඩරල් රජයේ ක්‍රියා කලාපය සම්බන්ධයෙන් විපක්ෂය චෝදනා කරනවා.

සරණාගතයින් සිය ගණනක් මුහුදේදී මිය යා හැකි අතර ඔස්ට්‍රේලියාවේ දේශසීමා ප්‍රතිපත්තිය තවදුරටත් පුලුල් කළ යුතු බවයි විපක්ෂය පෙන්වා දී ඇත්තේ.

පසුගිය සති අන්තයේ චීන ජාතිකයින් පිරිසක් බෝට්ටු මාර්ගයෙන් ඔස්ට්‍රේලියා දේශසීමාවට පැමිණ ඇති අතර පසුගිය නොවැම්බර් මාසයේ සිට චීන ජාතිකයින් අවස්ථා තුනක දී ඉතාමත් අනාරක්ෂිත ලෙස මෙරට දේශ සීමාවට ඇතුල් වී තිබූ බව සඳහන්.

විපක්ෂය චෝදනා කරන්නේ ඉදිරි කාලසීමාව තුළ මෙලෙස බෝට්ටු මගින් මෙරට දේශසීමාවට අනවසර සංක්‍රමණිකයින් ළඟා වීම පුලුල් වන අතර ඒ සඳහා නිසි ප්‍රතිපත්ති සම්පාදනය කළ යුතු බවයි.

පසුගිය වසරෙන් පසු මෙලෙස බෝට්ටුවෙන් ඔස්ට්‍රේලියාවට පැමිණෙන සංක්‍රමණිකයින් සම්බන්ධයෙන් කිසිදු නව සැළැස්මක් ඉදිරිපත් කිරීමට අග්‍රාමාත්‍ය ඇන්තනී ඇල්බනීස් ඇතුලු ආණ්ඩු පක්ෂයට හැකියාව නොලැබුණ බවයි විපක්ෂය පෙන්වා දෙන්නේ.

විපක්ෂයේ ස්වදේශ කටයුතු ප්‍රකාශක ජේම්ස් පැටර්සන් පැවසුවේ ලේබර් පක්ෂය විසින් තාවකාලික ආරක්ෂණ වීසා බලපත්‍ර අහෝසි කිරීම තුළින් සංක්‍රමණිකයින්ට බෝට්ටුවලට නැග මෙරටට පැමිණීමට දිරිගැන්වීමක් ලබා දුන් බවයි.

වත්මන් රජය විසින් එම වීසා බලපත්‍රය අහෝසි කිරීම මගින් සංක්‍රමණිකයින් මිනිස් ජාවාරම්කරුවන්ට හසුවීමේ ප්‍රවණතාවක් පවතින අතර අවම වශයෙන් ජීවිත 1200ක් මුහුදේ දී අහිමි වනු ඇතැයි විපක්ෂය පෙන්වා දෙනවා.

මෙල්බන්හි දුම්කොළ ගබඩා ගිනි තැබීම්වලට තවත් බාල වයස්කරුවන් දෙදෙනෙක් අල්ලයි

මෙල්බර්න්හි උතුරු ප්‍රදේශයේ දුම්කොළ ගබඩා ගිනි තැබීම සම්බන්ධයෙන් බාල වයස්කරුවන් දෙදෙනෙකු අත්අඩංගුවට ගෙන තිබෙනවා.

Read More »