ප්‍රාථමික පාසල් වයසේ පසුවන කුඩා ළමුන් මානසික ආතතිය මෙන්ම තනිකම අත්විඳින බව නවතම අධ්‍යයනයකින් හෙළිව තිබෙනවා.
ඕස්ට්‍රේලියානු අධ්‍යාපනික පර්යේෂණ කවුන්සිලය විසින් ප්‍රාථමික හා ද්විතීයික සිසුන් උපයෝගි කර ගනිමින් සිදු කර ඇති අධ්‍යයනයේදී හඳුනාගෙන ඇත්තේ බොහෝ සිසුන් වසර අවුරුදු 5කට පෙර සිටම ආතතියෙන් සහ තනිකමින් සිට ඇති බවයි.
ඒ අනුව 2018 වසරත් 2023ත් අතර උපත ලැබූ ළමුන් 50000ක් උපයෝගි කරගනිමින් සිදුකර අධ්‍යයනයේ දී තහවුරුවී ඇත්තේ කුඩා ළමුන් වැඩි පිරිසක් දැඩි මානසික කම්පනයකින් පසුවන බවයි.
කුඩා අවදියේ පවතින මානසික ආතතිය තරුණ වියට පැමිණිමත් සමග ඔවුන්ගේ යහපැවැත්ම කෙරෙහි දැඩි ලෙස බලපෑම් ඇති කරන බව මානසික විශේෂඥයින් හඳුනාගෙන තිබෙනවා.
විශේෂයෙන් අභියෝගවලට මුහුණ දිය හැකි ආත්ම විශ්වාසයෙන් යුතු තරුණ ප්‍රජාවක් බිහිකිරීමට නම් ළමුන් කුඩා කල සිට නිසි රැකවරණය යටතේ ගොඩනැගිය යුතු බව විචාරකයින් අවධාරණය කර තිබෙනවා.
මෙම ගැටලුව විසඳීම සඳහා රට තුළ ජාතික ක්‍රියාකාරි සැලැස්මක් අත්‍යාවශ්‍ය බවට ද යෝජනා ඉදිරිපත්ව ඇති බව සඳහන්.
