ශ්‍රී ලංකාවේ දරිද්‍රතාව ගැන ලෝක බැංකුවෙන් වාර්තාවක්

2023 වසරේ ශ්‍රී ලාංකිකයන්ගෙන් සියයට 25.9ක් දරිද්‍රතා රේඛාවට පහළින් ජීවත් වන බවට ලෝක බැංකුවේ නවතම වාර්තාවක් මගින් ඇස්තමේන්තු කර තිබෙනවා.

ඒ අනුව ශ්‍රී ලංකාවේ දරිද්‍රතා අනුපාතිකය අඛණ්ඩව සිව්වන වසරටත් ඉහළ ගොස් ඇති බවයි එමගින් පෙන්වා දී ඇත්තේ.

ලෝක බැංකුවේ දෛනික වියදම් රේඛාව ඩොලර් 3.65ක් වන අතර එම සීමාව සැලකිල්ලට ගනිමින් මෙම වාර්තාව නිකුත් කර ඇති බව සඳහන්.

ක්ෂුද්‍ර, කුඩා සහ මධ්‍යම ප්‍රමාණයේ ව්‍යවසායන් ව්‍යාපාර වසා දැමීම, ඉහළ ගිය උද්ධමනය, ආදායම් අහිමිවීම් සහ රැකියාවෙන් අහිමි වීම හෝ වැටුප් ප්‍රමාණවත් නොවීම වැනි විවිධ පීඩනයන් සමඟ පවුල් ඒකක පොරබදමින් සිටින බව අදාළ වාර්තාවල සඳහන්.

ආහාර අවශ්‍යතා සපුරාලීමට මෙන්ම සෞඛ්‍ය හා අධ්‍යාපනය සඳහා වියදම් පවත්වාගෙන යාමට ණය ගැනීම ද මෙම දරිද්‍රතාවට හේතු වී ඇති බවයි පැවසෙන්නේ.

මේ අනුව ශ්‍රී ලංකාවේ පනස් හත් ලක්ෂ හැත්තෑ හත් දහසකට ආසන්න පිරිසක් දරිද්‍රතාවයෙන් පෙළෙන බව අනාවරණ වී තිබෙනවා.

ශ්‍රී ලංකාවේ ආර්ථිකය ප්‍රකෘතිමත් වීමේ මාවතේ යමින් පැවතුන ද ආර්ථික අර්බුදයේ බලපෑම දුප්පතුන්ට සහ අවදානමට ලක්විය හැකි පුද්ගලයන්ට අවම කිරීම සඳහා පියවර ගැනීම ඉතා වැදගත් බවයි පැවසෙන්නේ.

ලෝක බැංකුවේ වාර්තාවට අනුව ශ්‍රී ලංකාවේ දරිද්‍රතාවය මේ වසරේ සිට අඩුවන බව ද පුරෝකථනය කර තිබෙනවා.

2022 වසරේ දී ශ්‍රී ලංකාව මුහුණදුන් දරුණු ආර්ථික අවපාතය හමුවේ දරිද්‍රතාවය විශාල ලෙස ඉහළ ගොස් තිබූ බවයි ලෝක බැංකු වාර්තා පෙන්වා දෙන්නේ.

එහෙත් ජනාධිපති රනිල් වික්‍රමසිංහ ක්‍රියාත්මක කළ නිවැරදි මූල්‍ය ප්‍රතිපත්තිය හේතුවෙන් මේ වන විට ආර්ථිකය සුබදායී දිශාවකට යොමු වෙමින් ඇති බව එහි සඳහන්.

ඔස්ට්‍රේලියා ඉතිහාසයේ තුන්වන විශාලතම ලොතරැයි ත්‍යාගයේ හිමිකරු සොයයි

ඔස්ට්‍රේලියා ඉතිහාසයේ තුන්වන විශාලතම ත්‍යාග මුදල ලැබෙන ලොතරැයි දිනුම් ඇදීමෙන් ජයග්‍රාහකයෙකු බිහි වී තිබෙනවා.

Read More »

වෙසක් පොහොය දින වෙනුවෙන් සැමරුම් රැසක් නිව් සවුත්වේල්ස් ප්‍රාන්තයට භූ චලනයක් වික්ටෝරියා ප්‍රාන්තයෙන් හමුවූ කුරුළු උණ වෛරසය ගැන විශේෂ දැනුම්දීමක් ඔස්ට්‍රේලියාව තුළ රිය පැදවීමේදී ආහාර ගැනීමට ඇති නීතිමය අවසරය ගැන පැහැදිළි කිරීමක් ගෘහාශ්‍රිත සුරතල් සතුන් ගණන මිලියන 28ත් ඉක්මවා යයි

Read More »

වික්ටෝරියා ප්‍රාන්තයෙන් ඊයේ හමුවූ කුරුළු උණ ගැන අද විශේෂ දැනුම්දීමක්

ලෝකය පුරා පැතිර යන කුරුළු උණ වෛරසයට වඩා වික්ටෝරියා ප්‍රාන්තයෙන් හමුවී ඇති වෛරසයෙන් මහජනතාවට ඇති අවදානම අඩු බව නවතම සමික්ෂණ මගින් අනාවරණ වී තිබෙනවා.

Read More »

මැතිවරණ ප්‍රචාරක රැළියක වේදිකාවක් කඩා වැටී 9ක් ජීවිතක්ෂයට

උතුරු මෙක්සිකෝවේ මැතිවරණ ප්‍රචාරක රැලියක වේදිකාවක් කඩා වැටීමෙන් සිදු වූ අනතුරකින් පුද්ගලයන් 9 දෙනෙකු ජීවිතක්ෂයට පත්වී තිබෙනවා.

Read More »

සිංගප්පූරු ගුවන් යානයේ කැළඹීම ගැන ඇඩිලේඩ් යුවළක් විස්තර කරයි

සිංගප්පූරු ගුවන් සේවයේ යානයක් ඉහළ අහසේදී කැළඹීමකට හසුවීමේ අනතුර සිදුවූ අවස්ථාවේ එහි සිටි ඇඩිලේඩ් පදිංචි යුවළක් සිය අත්දැකීම් මෙන්ම එම අවස්ථාවේ දැනුණු හැඟීම් පිළිබඳ විස්තර කර තිබෙනවා.

Read More »