සෑම විනාඩියකට වරක් ලොරියක ප්ලාස්ටික් සාගරයට මුදා හැරෙයි

ඔස්ට්‍රේලියාවේ ජාතික විද්‍යා ඒජන්සිය සහ කැනඩාවේ ටොරොන්ටෝ විශ්ව විද්‍යාලය විසින් කරන ලද නව පර්යේෂණයකින් සාගර පත්ලෙහි ප්ලාස්ටික් ටොන් මිලියන 11 ක් පමණ පවතින බව හෙළිව තිබෙනවා.

 

සෑම විනාඩියකර වරක් කුණු ලොරියක ප්ලාස්ටික් සාගරයට ඇතුල්  වන බවයි ඔවුන් පෙන්වා දෙන්නේ.

 

2040 වන විට ප්ලාස්ටික් භාවිතය දෙගුණයක් වනු ඇතැයි අපේක්ෂා කරන අතර මෙම තත්වය ඉදිරියේදී පාලනය කිරීම අසීරු වන බව පර්යේෂකයින් පෙන්වා දෙනවා.

 

පරිසර පද්ධතිය සහ ජලජ ජීවීන් ආරක්ෂා කිරීම ඉතා වැදගත් වන අතර එය කෙසේ සිදු කරන්නේ ද යන්න ගැටලු සහගත බවයි සදහන් වන්නේ.

 

ඔස්ට්‍රේලියාවේ ජාතික විද්‍යා ඒජන්සියේ ජේෂ්ඨ පර්යේෂණ විද්‍යාඥ ආචාර්ය ඩෙනිස් හාර්ඩෙස්ටි පැවසුවේ ප්ලාස්ටික් කුඩා කැබලිවලට කැඩී සාගරය මිශ්‍ර වීමට පෙර එකතු වන ප්ලාස්ටික් අපද්‍රව්‍ය ප්‍රමාණය සාගර පතුලේ කොපමණ ප්‍රමාණයක් පවතීද යන්න පිළිබඳ කල පළමු ඇස්තමේන්තුව මෙය බවයි.

 

මුහුදු පතුලේ ක්ෂුද්‍ර ප්ලාස්ටික් පිළිබඳ කලින් ඇස්තමේන්තුවක් සිදු කර තිබුණ ද මෙම පර්යේෂණය මගින් දැල්, ප්ලාස්ටික් cup,ප්ලාස්ටික් බෑග් සහ ඒ අතර ඇති සියල්ල පිළිබඳ ගවේශනය කර තිබුණා.

 

සාගර පතුලේ ප්ලාස්ටික් දූෂණය පිළිබඳ ඇස්තමේන්තුව සාගරයේ පාවෙන ප්ලාස්ටික් ප්‍රමාණයට වඩා 100 ගුණයක් වැඩි විය හැකි බවයි පර්යේෂකයින් පෙන්වා දෙන්නේ.

ලොව ධනවතුන් අතර ඉහළින් ඉන්න ඉලෝන් මස්ක් ළගදීම ශ්‍රී ලංකාවට

ස්ටාර් ලින්ක් (Starlink) චන්ද්‍රිකා අන්තර්ජාල සේවාව ක්‍රියාත්මක කිරීම සඳහා මේ වසරේ ශ්‍රී ලංකාවට පැමිණෙන ලෙස ජනාධිපති රනිල් වික්‍රමසිංහ කළ ආරාධනය ඉලෝන් මස්ක් පිළිගෙන ඇති බව වාර්තා වනවා.

Read More »

පිහි අපරාධ මඩින්න ගේන්න හදන නව නීතිය

පිහි හෝ ලෝහමය තියුණු ආයුධ රැගෙන යන පුද්ගලයින් පරීක්ෂාකිරීමට අදාළව නව නීති සම්මත කර ගැනීමට ඔස්ට්‍රේලියාවේ ප්‍රාන්ත රජයන් කටයුතු සැලසුම් කරමින් ඇතැයි වාර්තා වනවා.

Read More »

තරුණ පරම්පරාවේ සමාජ මාධ්‍යයේ බලපෑම් ගැන අනතුරු ඇඟවීමක්

නව යොවුන් වියේ දරුවන්ගේ මානසික යහපැවැත්ම සම්බන්ධයෙන් ක්වීන්ස්ලන්ඩ් ප්‍රාන්තයේ ප්‍රධාන සෞඛ්‍ය නිලධාරියා මහජන සෞඛ්‍ය අනතුරු ඇඟවීමක් ප්‍රකාශයට පත් කර තිබෙනවා.

Read More »

ඊශ්‍රායල සහ හමාස් නායකයන් අත්අඩංගුවට ගැනීමේ උත්සාහය ගැන අගමැතිගේ ප්‍රතිචාරය

ඊශ්‍රායල අගමැති සහ හමාස් නායකයින් අත්අඩංගුවට ගැනීමට වරෙන්තු නිකුත් කරන ලෙස ජාත්‍යන්තර අපරාධ අධිකරණයේ අභිචෝදකයාගේ ඉල්ලීම සම්බන්ධයෙන් අදහස් දැක්වීම අගමැති ඇන්තනි ඇල්බනීස් ප්‍රතික්ෂේප කර තිබෙනවා.

Read More »