පෙරපාසැල් 100ක් හදන්න යන ඔස්ට්‍රේලියානු ප්‍රාන්තය

නිව් සවුත්වේල්ස් ප්‍රාන්ත රජය පොදු පෙරපාසල් 100ක් ආරම්භ කිරීමේ වැඩසටහන කඩිනමින් ක්‍රියාත්මක කිරීමට තීරණය කර තිබෙනවා.

ඩොලර් මිලියන 769ක සැලැස්ම ප්‍රාන්ත ඉතිහාසයේ පෙර පාසල් වෙනුවෙන් සිදු කරනු ලබන විශාලතම ආයෝජන ව්‍යාපෘතිය ලෙස නම් කර ඇති අතර එමගින් පෙර පාසල් ළමයින් 2000ක් සඳහා අධ්‍යාපන අවස්ථා හිමිවනු ඇති.

බටහිර සිඩ්නිහි බොක්ස් හිල්, බ්ලැක්ටවුන් නෝර්ත්, එඩෙන්සර් පාර්ක්, එමර්ටන්, ඇතුළු තදාසන්න ප්‍රදේශ කිහිපයක් හරහා නව පෙර පාසල් 51ක් ඉදි කෙරෙනු ඇති.

ඉතිරි 49 දකුණු වෙරළ, හන්ටර්, නිව් ඉංග්ලන්ඩ් සහ බටහිර කලාප ඇතුළු ප්‍රාදේශීය සහ ග්‍රාමීය ප්‍රජාවන් වෙත ලැබෙන බවයි වාර්තා වන්නේ.

නිව් සවුත්වේල්ස් අධ්‍යාපන අමාත්‍යවරයා සඳහන් කළේ මෙම පෙර පාසල් මගින් පාසල් අධ්‍යාපනයට ප්‍රවේශය, ගුණාත්මක ක්‍රීඩා මත පදනම් වූ ඉගෙනීම, ප්‍රාථමික ඉගෙනීම සහ සාක්ෂරතාව වැනි මූලික ප්‍රධාන පහසුකම් දරුවන් වෙත ලැබෙන බවයි.

2027 වසර වන විට රජයේ සැලසුම අනුව ප්‍රාන්තයේ පෙර පාසල් 100ම ඉදි කර අවසන් කිරීමටයි සැලසුම් කර ඇත්තේ.

මෙය ප්‍රාන්තය පුරා සිටින ළමුන් සඳහා බාධාවකින් තොරව හොඳ අධ්‍යාපනයක් ලැබෙන බවට වග බලා ගැනීම බව බලධාරීන් ප්‍රකාශ කළා.

ප්‍රාන්ත රජය මැතිවරණ පොරොන්දුවක් මත පදනම්වයි කලාපවල නව පෙර පාසල් ඉදිකිරීමේ සැලසුම් පසුගිය පෙබරවාරි මාසයේදී හෙළි කරනු ලැබුවේ.

වික්ටෝරියා ප්‍රාන්තයේ ජාතික වනෝද්‍යාන පිහිටුවීමට එරෙහිව විරෝධතාවක්

වික්ටෝරියා ප්‍රාන්තයේ තවත් ජාතික වනෝද්‍යාන පිහිටුවීමේ සැලසුමට එරෙහිව විශාල පිරිසක් විරෝධතාවක් ආරම්භ කර තිබෙනවා.

Read More »

ප්‍රසාද දීමනාවක් ගැන පැතිර යන ව්‍යාජ පණිවුඩයක් ගැන දැනුම්දීමක්

ප්‍රසාද දීමනාවක් ලබා දෙන බව පවසමින් පැතිර යන ව්‍යාජ පණිවුඩයක් සම්බන්ධයෙන් සෙන්ටර්ලින්ක් (Centrelink) පාරිභෝගිකයින්ට හදිසි අනතුරු ඇඟවීමක් සිදු කර තිබෙනවා.

Read More »

පොදු ප්‍රවාහන ගාස්තු ශත 50 දක්වා අඩු වෙයි

රථ වාහන තදබදය සහ ජීවන වියදම් පීඩනය අඩු කිරීමේ උත්සාහයක් ලෙස ක්වීන්ස්ලන්ඩ් ප්‍රාන්තයේ පොදු ප්‍රවාහන ගාස්තු තාවකාලිකව අඩු කිරීමට පියවර ගෙන තිබෙනවා.

Read More »

මෙල්බන්හි පිහි ඇණුමකින් තරුණයන් දෙදෙනෙකුට බරපතල තුවාල

ඊයේ රාත්‍රියේ මෙල්බර්න් හි වයඹදිග ප්‍රදේශයේ ඇති වූ ගැටුමකදී පිහි ඇනුමකින් තුවාල ලැබූ තරුණයන් දෙදෙනෙකු රෝහල් ගත කර තිබෙනවා.

Read More »