ලොව වයස්ගතම මිනිසා ලෙසට ගිනස් ලෝක වාර්තා අතරට එක්ව සිටි වෙනිසියුලාවේ ජුවාන් විසෙන්ටේ පෙරෙස් මෝරා (Juan Vicente Perez Mora) ජිවිතක්ෂයට පත්වී තිබෙනවා.
ඔහු උපන් ගම් ප්‍රදේශයේ රාජ්‍ය නිලධාරීන් සහ ඥාතීන් ප්‍රකාශ කළේ වයස අවුරුදු 114ක්ව තිබියදී ජුවාන් විසෙන්ටේ මිය ගිය බවයි.
ගිනස් ලෝක වාර්තා කමිටුව මගින් ලොව වයස්ගතම පුද්ගලයා ලෙසට ඔහු නම් කරනු ලැබුවේ 2022 වසරේ දී යි.
ජුවාන් විසෙන්ටේගේ මරණය සම්බන්ධයෙන් වෙනිසියුලානු ජනාධිපති නිකලස් මදුරෝ ද ට්විටර් සටහනක් තබා තිබෙනවා.
ගිනස් සඟරාවට අනුව පෙරේස් 2022 වසරේ පෙබරවාරි 4 වනදා වන විට වයස අවුරුදු 112 යි දින 253 ක් වූ අව්සතාවේදී යි ජීවතුන් අතර සිටින වයස්ගතම මිනිසා ලෙස නිල වශයෙන් තහවුරු කෙරුණේ.
දරුවන් 11 දෙනෙකුගේ පියෙකු වන ඔහුට 2022 වන විට මුණුබුරන් 59ක්, සහ මී මුණුබුරන් 12 දෙනෙක් සිටි බව සඳහන්.
1909 වසරේ මැයි 27 වනදා ඇන්ඩියන් ප්‍රාන්තයේ උපත ලැබූ ජුවාන් විසෙන්ටේ එම ගොවි පවුලේ සිටි දරුවන් 10 දෙනාගෙන් නවවැනියා බවයි සඳහන් වන්නේ.
