ඔස්ට්‍රේලියාවේ ගුවන් යානා දෙකක් ගුවන් ගමන් අතර දෝෂවලට ලක්වෙයි

ඔස්ට්‍රේලියාවේ ප්‍රදේශ දෙකකදී තාක්ෂණික දෝශ හේතුවෙන් ගුවන් යානා දෙකක් හදිසි ගොඩබෑම් සිදු කර තිබෙනවා.

වර්ජින් සමාගමට අයත් යානයක් හෙඩ්ලන්ඩ් බලා පිටත්ව යමින් සිටියදී තාක්ෂණික දෝෂයක් හේතුවෙන් ඊයේ පස්වරුවේ පර්ත් වෙත හදිසි ගොඩබැස්වීමක් සිදු කර ඇති බවයි වාර්තා වන්නේ.

බෝයිං 737 ගුවන් යානය ඊයේ පස්වරුවේ පර්ත් ගුවන් තොටුපළෙන් පෝට් හෙඩ්ලන්ඩ් බලා පිටත්ව යමින් සිටියදී දෝෂය මතුවී තිබෙනවා.

ගොඩබැස්වීම වෙනුවෙන් ඉන්ධන දහනය කර ගැනීම සඳහා යානය පර්ත්හි උතුරු ප්‍රදේශය හරහා බොහෝ වේලාවක් ගමන් කර තිබු බවයි වාර්තා වන්නේ.

අදාළ ගුවන් යානය පෝට් හෙඩ්ලන්ඩ් වෙත පස්වරු 5.30 ට පමණ ගොඩබෑමට නියමිතව තිබූ අතර එම වේලාවට පමණ පර්ත් ගුවන් තොටුපළ වෙත හදිසි ගොඩබැස් වීම සිදු කර තිබෙනවා.

මේ අතර සැහැල්ලු ගුවන් යානයක් ගෝල්ඩ් කෝස්ට් ගුවන් තොටුපළකදී ලෑන්ඩින් ගියර්ස් නොමැතිව හදිසි ගොඩබෑමක් සිදු කෙරුණා.

ඊයේ රාත්‍රී 8ට පමණ ගුවන් යානයේ නියමුවන් ගොඩබැස් වීමට ආසන්නව තිබියදී වටහාගෙන ඇත්තේ ගොඩබෑමේ උපකරණ නිසි ලෙස ක්‍රියා නොකරන බවටයි.

ඒ අනුව මේ සම්බන්ධයෙන් ගුවන්තොටුපොළ පාලක මැදිරියට අනතුරු ඇඟවීමක් කර තිබෙනවා.

පසුව ඔවුන් ඉන්ධන දහනය කිරීමට සහ ගොඩ බැස්වීමේදී සිදු වන අනතුරු අවම කර ගැනීමට උත්සාහ කරමින් ගුවන් තොටුපළ වටා ගමන් කර තිබුණා.

ගුවන් යානය ලෑන්ඩින් ගියර්ස් යොදා නොගෙන ගොඩ බැස්වූ අවස්ථාවේ එහි බඳ ධාවන පථයේ ගැටීමෙන් ගිනි පුපුරු විසිවී තිබූ බව සඳහන්.

හදිසි අවස්ථාවකට මුහුණ දීම සඳහා ගිනි නිවිම් රථ ඇතුලු ගිලන් රථ සේවා ද සූදානම් කර තිබූ නමුත් නියමුවන් දෙදෙනා ඇතුලු කිසිවෙකුටත් අනතුරක් සිදුවී නැහැ.

Today’s Top Stories 2024.04.18

පිහි ඇනුමට ලක්වූ බිෂොප්වරයාගෙන් විශේෂ ප්‍රකාශයක් බාලි වෙත යන සංචාරකයන්ට අනතුරු ඇඟවීමක් පිළිකාවකට ප්‍රතිකාරයක් අත්හදා බැලීම ඔස්ට්‍රේලියාවෙන් ඇරඹෙයි වැටුප් සමග වැඩියෙන් නිවාඩු ගැනීමට හැකි නව යෝජනාවක් ඩුබායි යන ගුවන් මගීන්ට විශේෂ දැනුම්දීමක්

Read More »

දේව මෙහෙය අතර පිහි ඇනුමට ලක්වූ බිෂොප්වරයාගෙන් පළමු වරට විශේෂ ප්‍රකාශයක්

අන්තර්ජාලය ඔස්සේ විකාශය වෙමින් තිබූ දේව මෙහෙය අතර තමාට පිහියෙන් අනිනු ලැබූ තරුණයාට සමාව දෙන බව මාරි එම්මානුවෙල් රදගුරුතුමා පවසනවා.

Read More »