පාස්කු සති අන්තය බටහිර ඔස්ට්‍රේලියාවට නරකම කාලයක් වෙයි

මෑත කාලීන ඉතිහාසයේ බටහිර ඔස්ට්‍රේලියානු මාර්ගවල සිදු වූ වැඩිම මරණ සංඛ්‍යාව පාස්කු සති අන්තයේ සිදුවු බව මාර්ග ආරක්ෂණ කොමසාරිස්වරයා පවසනවා.

පාස්කු නිවාඩුවේදී රිය අනතුරුවලින් පස් දෙනෙකු මිය ගිය අතර තවත් බොහෝ පිරිසකට බරපතල තුවාල සිදු වූ බවයි වාර්තා වන්නේ.

බටහිර ඔස්ට්‍රේලියාවේ මාර්ග ආරක්ෂාව පිළිබඳ කොමසාරිස් ඇඩ්‍රියන් වෝනර් පවසන්නේ මෙම වසරේ දීර්ඝ පාස්කු සති අන්තය දිගු කාලයකින් වාර්තා වූ නරකම නිවාඩු සමය බවයි.

වාහන එකිනෙක ගැටීමෙන් 47 හැවිරිදි කාන්තාවක් සහ 54 හැවිරිදි පිරිමි පුද්ගලයෙකු මියගිය අතර තවත් අනතුරකින් 12 හැවිරිදි ළමයෙකු බරපතල තුවාල ලැබුවා.

සෙනසුරාදා වාහන එකිනෙක ගැටීමෙන් 19 හැවිරිදි තරුණයෙකු සහ 27 හැවිරිදි තරුණයෙකු ද මරණයට පත්වී ඇති බවයි වාර්තා වන්නේ.

ඉරිදා රාත්‍රියේ පර්ත්හි යතුරුපැදි අනතුරකින් 30 හැවිරිදි පුද්ගලයෙක් ජීවිතක්ෂයට පත්ව තිබෙනවා.

මාර්ග ආරක්ෂණ කොමසාරිස් ඇඩ්‍රියන් වෝනර් පැවසුවේ මෙම දිගු සති අන්තය වසර ගණනාවකට පසු නරකම සති අන්තයක් වූ බවයි.

පසුගිය වසර පහ තුළ, පාස්කු නිවාඩු කාලය තුළ පුද්ගලයින් 10 දෙනෙකු මිය ගොස් ඇති අතර එය වසරකට සාමාන්‍යයෙන් මරණ දෙකක් වනවා.

වෝනර් පැවසුවේ පාස්කු සති අන්තය බොහෝ විට ප්‍රාන්තය පුරා මාර්ග අනතුරු සම්බන්ධයෙන් වසරේ කාර්යබහුලම කාලය බවයි.

පාස්කු උත්සව සමයේදී වසරේ අනෙකුත් කාලයන්ට සාපේක්ෂව රියදුරන් නොසැලකිලිමත්කම, අධික වේගය හෝ මත්පැන් හේතුවෙන් මියයාමට හෝ බරපතල තුවාල ලැබීම දෙගුණයක් වැඩි බව සඳහන්.

මළ සිරුරක් හඳුනා ගන්න සන්ෂයින් කෝස්ට් පොලිසිය ජාත්‍යන්තර සහාය ඉල්ලයි

මරුචි (Maroochy) ගඟෙන් සොයාගත් අබිරහස් මළ සිරුර හඳුනා ගැනීම සඳහා සන්ෂයින් කෝස්ට් පොලිසිය ජාත්‍යන්තර පොලිසිය හරහා ගෝලීය විමර්ශනයක් ආරම්භ කර තිබෙනවා.

Read More »

නිවසක් ගන්න බලාගෙන ඉන්න අයට කුලී නිවාස මිල ගැන දැනුම්දීමක්

ඔස්ට්‍රේලියාවේ අගනුවර ප්‍රදේශයන්ට සාපේක්ෂව අනෙක් කලාපවල ද කුලී නිවාස මිල ගණන දැරිය නොහැකි ලෙස ඉහළ ගොස් ඇතැයි වාර්තා වනවා.

Read More »

සිඩ්නි දේවස්ථානයේ අපරාධයට සම්බන්ධ සැකකාර ළමයාගේ පෙර වැරදි හෙළිවෙයි

සිඩ්නි දේවස්ථානයක් තුළදී ඊයේ රාත්‍රියේ පිහි ඇනුම සම්බන්ධයෙන් අත්අඩංගුවට සැකකාර 15 හැවිරිදි පිරිමි ළමයා මීට මාස තුනකට පෙර පිහියෙන් ඇනීමේ අපරාධයක් සම්බන්ධයෙන් අධිකරණය හමුවට ඉදිරිපත් කළ අයෙක් බවට හෙළිවී තිබෙනවා.

Read More »

ඔස්ට්‍රේලියාවේ ජාත්‍යන්තර කේක් නිර්මාණ තරගයකින් ශ්‍රී ලාංකිකයෙකුට රන් පදක්කම

ඔස්ට්‍රේලියාවේ පැවති ජාත්‍යන්තර කේක් තරඟාවලියකින් ප්‍රථම ස්ථානය දිනා ගැනීමට ඔස්ට්‍රේලියාවේ වෙසෙන ශ්‍රී ලාංකික ඉංජිනේරුවරියක් වන නිෂා පොල්හේන සමත්ව තිබෙනවා.

Read More »