ඔස්ට්‍රේලියානු කාන්තාවන්ගේ ජීවිතවලට තර්ජනයක්

නිවැරදි සෞඛ්‍ය පුරුදු මෙන්ම ආහාර රටාවන් අනුගමනය නොකිරීම හේතුවෙන් ඔස්ට්‍රේලියානු කාන්තාවන්ගේ ජීවිතවලට තර්ජන මතුව ඇති බව නවතම අධ්‍යයනයක දී හෙළිව තිබෙනවා.

ඔස්ට්‍රේලියානු කාන්තාවන්ගෙන් සියයට 70කට වැඩි ප්‍රමාණයල් හොඳ ආහාර වේලක් නොගන්නා අතර ප්‍රමාණවත් ව්‍යායාම් නොකිරීම හේතුවෙන් විවිධ නිදන්ගත රෝගවලට ගොදුරු වීමේ ප්‍රවණතාවක් ද පෙන්නුම් කරන බවයි වාර්තා වන්නේ.

මේ හේතුවෙන් කාන්තාවන් වැඩි පිරිසක් හෘද රෝග, ආඝාතය සහ ඩිමෙන්ස්ශියාව වැනි රෝගාබාධවලට ගොදුරුවීමේ වැඩි ප්‍රවණතාවක් පෙන්නුම් කරනවා.

මෙල්බන් විශ්ව විද්‍යාල අධ්‍යයනයක් මගින් තහවුරු වී ඇත්තේ කාන්තාවන්ගෙන් බහුතරයක් එනම් සියයට 80ක් පමණ ප්‍රමාණවත් පළතුරු සහ එළවළු අනුභව නොකරන බවයි.

එමෙන්ම ඔස්ට්‍රේලියානු කාන්තාවන්ගෙන් සියයට 70කට සතිපතා ප්‍රමාණවත් ශාරිරික ක්‍රියාකාරකම් නොලැබෙන බව ද සඳහන්.

වයස අවුරුදු 18ත් 98ත් අතර කාන්තාවන් 20000කට වැඩි ප්‍රමාණයක් යොදා ගනිමින් මෙම අධ්‍යයනය සිදු කර ඇති අතර එහිදී අනාවරණය වී ඇත්තේ කාන්තාවන්ගෙන් වැඩි ප්‍රමාණයකට ප්‍රමාණවත් සෞඛ්‍ය පුරුදු නොමැති බවයි.

තවද ඩිමෙන්ශියා රෝගීන් තුනෙන් දෙකක් කාන්තාවන් බව ද හෙළිව තිබෙන අතර පිරිමින්ට සාපේක්ෂව කාන්තාවන් තුළ හෘද රෝග බහුලව දක්නට ලැබෙන බව ද අනාවරණ වී තිබෙනවා.