ඔස්ට්‍රේලියාවේ තරුණයින් 59ක් රිය අනතුරුවලින් මරුට

පසුගිය 2023 වසරේ වික්ටෝරියා ප්‍රාන්තයේ මාර්ගවල සිදුවූ බිහිසුණු රිය අනතුරු සහ මරණ සංඛ්‍යාව හමුවේ රියදුරු ආරක්ෂාව පිළිබඳ දැනුවත්භාවය සම්බන්ධයෙන් විශේෂ අවධානයක් යොමු වී තිබෙනවා.

විශේෂයෙන් තරුණයින් නිසි රියදුරු අධ්‍යාපනයක් පිළිබඳ ගැටලුව වැදගත් ලෙස නොසලකන බවටයි අනාවරණ වී ඇත්තේ.

වික්ටෝරියා ප්‍රාන්තයේ ගමනාගමන අනතුරු කොමිසමට අනුව, 2023 වසරේදී වික්ටෝරියා මාර්ගවල වයස අවුරුදු 16 ත් 25 ත් අතර තරුණයින් 59ක් මිය ගොස් තිබෙනවා. එය එම වසරේ ප්‍රාන්තයේ මාර්ගවලින් වාර්තා වූ සමස්ත මරණ වලින් සියයට 20ක් බව සඳහන්.

මේ හේතුවෙන් තරුණ තරුණියන් සඳහා රියදුරු ආරක්ෂණ අධ්‍යාපනය වැඩිදියුණු කළ යුතු බවට යෝජනා ඉදිරිපත් වී ඇති අතර පාසලේදී මාර්ග ආරක්ෂණ වැඩසටහන් ක්‍රියාත්මක කිරීම ද ඊට අයත්.

ප්‍රාන්තය පුරා 10 සිට 12 වසර දක්වා සිසුන් සඳහා මූලික මාර්ග ආරක්ෂණ කුසලතා සහ වාහන නඩත්තු ඇතුළත් නව අධ්‍යාපන වැඩසටහනක් හඳුන්වා දීමට ද අවශ්‍ය බවටයි ප්‍රකාශ වී ඇත්තේ.

නොසැලකිලිමත් ලෙස රිය පැදවීමේ ප්‍රතිවිපාක සම්බන්ධයෙන් සතියකට පැය භාගයක් සිසුන් දැනුවත් කර පාසල් සමයේ සිටම රියදුරු බලපත්‍රය ලබා ගැනීමට හොඳ පුරුදු ඇති කිරීමට ද යෝජනා වී තිබෙනවා.

ඉරාන ප්‍රහාරයක අවදානමක් නිසා ඇමෙරිකා පුරවැසියන්ට දැනුම් දීමක්

ඉරානයෙන් ප්‍රහාරයක් එල්ල වනු ඇතැයි පවතින බිය හේතුවෙන් ඇමරිකා එක්සත් ජනපදය ඊශ්‍රායලයේ සිටින සිය සේවකයන්ට ගමන් බිමන් සීමා කරන ලෙසට උපදෙස් ලබාදී තිබෙනවා.

Read More »

ඔස්ට්‍රේලියාව සහ රටවල් රැසක ළමයින්ට මාරාන්තික විය හැකි රෝගයක් ව්‍යාප්ත වෙයි

ශ්වසන පද්ධතිය ආශ්‍රිතව බෝවන රෝගයක් වන කක්කල් කැස්ස යළි ඔස්ට්‍රේලියාව ඇතුලු ලොව පුරා රටවල් කිහිපයක ව්‍යාප්ත වෙමින් පවතින බව වාර්තා වනවා.

Read More »

මෙවර ඔලිම්පික් උළෙලේ සිට ජයග්‍රාහකයන්ට අලුත් ත්‍යාගයක්

එළැඹෙන ඔලිම්පික් උලෙළේ සිට ජවන හා පිටිය ක්‍රීඩා ඉසව්වලින් ජයග්‍රහණ ලබා ගන්නා ක්‍රීඩක ක්‍රීඩිකාවන්ට මුදල් ත්‍යාග පිරිනැමීමට ලෝක මලල ක්‍රීඩා සම්මේලනය තීරණය කර තිබෙනවා.

Read More »

ආර්ථික වර්ධනය ඉහළ නංවන සැලැස්ම අගමැති හෙළි කරයි

ප්‍රධාන කර්මාන්ත සඳහා ආධාර සපයමින් ඔස්ට්‍රේලියාවේ ආර්ථික වර්ධනය ඉහළ නැංවීමට සැලැස්මක් අග්‍රාමාත්‍ය ඇන්තනී ඇල්බනිස් හෙළි කර තිබෙනවා.

Read More »