බාලවයස්කරුවන් පිරිසක් සොයා හෙලිකොප්ටර් යොදා ගෙන කළ පොලිස් ලුහුබැඳීම

සොරකම් කළ මෝටර් රථවලින් අධික වේගයෙන් ගමන් කරමින් සිටි බාලවයස්කරුවන් 6 දෙනෙකු පොලිසිය විසින් ප්‍රදේශ දෙකකදී ලුහුබැඳ ගොස් අත්අඩංගුවට ගෙන තිබෙනවා.

Mitsubishi Pajero රථයක් සහ සුදු පැහැති Volkswagen මෝටර් රථයක් සැකකරුවන් මෙලෙස සොරකම් කර ඇති බවයි පැවසෙන්නේ.

පැජරෝ රථය මාර්ගයේ වැරදි දිශාවෙන් ඉදිරියට ගොස් මැරියන් මාර්ගයේ මංසන්ධියේදී ටොයෝටා කොරොල්ලා රථයක ගැටී තිබූ බව සඳහන්.

පැජරෝ රථයේ සිටි තරුණයන් තිදෙනෙකු අත්අඩංගුවට ගෙන රෝහල් ගත කර ඇති අතර ඔවුන් සුලු තුවාල ලබා ඇති බවයි වාර්තා වන්නේ.

කොරොල්ලා රථයේ රියදුරා වූ 51 හැවිරිදි කාන්තාවගේ පාදවලට සහ අතකට තුවාල සිදුවී රෝහල් ගත කර තිබෙනවා.

පැජෙරෝ රථයේ ගමන් කල අවුරුදු 13, 15 සහ 16 වයස්වල පසුවූවන්ට ඇප ලබාදීම ප්‍රතික්ෂේප කර ඇති අතර ඔවුන් අධිකරණයට ඉදිරිපත් කිරීමට නියමිතයි.

මේ අතර සොරකම් කරන ලද Volkswagen රථයක් මෙල්බන් නුවර ආසන්නයේදී පොලිස් හෙලිකොප්ටරයක් ද යොදා ගනිමින් ලුහුබැඳ ගොස් අත්අඩංගුවට ගනු ලැබුවා.

එහිදී අවුරුදු 13, 14 සහ 15 වයස්වල පසුවන ළමයින් තුන් දෙනෙකු අත්අඩංගුවට ගත් අතර ඔවුන් එම මෝටර් රථය සෙනසුරාදා හොලට් කෝව් ප්‍රදේශයෙන් සොරකම් කර ඇති බව පොලිසිය සඳහන් කළා.

13 සහ 14 යන වයස්වල පසුවන පිරිමි ළමයින්ට ඇප නියම වූ අතර 15 හැවිරිදි ළමයාට ඇප ලබාදීම ප්‍රතික්ෂේප කර තිබෙනවා.

ඔවුන් සියලුදෙනා හෙට අධිකරණයට ඉදිරිපත් කිරීමට නියමිතයි.

ඔස්ට්‍රේලියාවට එන සංක්‍රමණිකයන්ට රැකියා සොයා ගැනීම ගැන උපදෙස් මාලාවක්

ඔස්ට්‍රේලියාවට පැමිණෙන විදේශ සංක්‍රමණිකයින් සඳහා මෙරට රැකියා වෙළඳපල තුළ නව රැකියාවක් කඩිනමින් සොයා ගැනීම පිළිබඳ උපදෙස් මාලාවක් නිකුත් කර තිබෙනවා.

Read More »

ඔස්ට්‍රේලියාවේ සුඛෝපභෝගී SUV මෝටර් රථ කිහිපයක් යළි කැඳවයි

නිෂ්පාදන දෝෂ කිහිපයක් හේතුවෙන් ඔස්ට්‍රේලියාවේ සුඛෝපභෝගී SUV මෝටර් රථ කිහිපයක් නැවත කැඳවීමට ඇස්ටන් මාර්ටින් සමාගම් බලධාරීන් පියවර ගෙන තිබෙනවා.

Read More »

පිහි පරික්ෂාවට පොලිසිය නව නීති ඉල්ලයි

නිව් සවුත්වේල්ස් ප්‍රාන්තය පුරා පිහි ඇනුම් සිදුවීම් ගණනාවක් වාර්තා වීම හේතුවෙන් පොලිස් නිලධාරීන්ට ප්‍රසිද්ධියේ පිහි සෝදිසි කිරීම් සිදු කළ හැකි වන පරිදි නීති හඳුන්වා දෙන ලෙස ප්‍රාන්ත පොලිස් සංගමය ඉල්ලීමක් කරනවා.

Read More »

Today’s Topstories 2024.04.23

ඉලොන් මස්ක්ගේ ප්‍රතිචාරය ගැන අගමැතිගෙන් චෝදනා උණ ආසාදිතයන් ඉහළ යාම හමුවේ එන්නත් ලබා ගන්නැයි දැනුම්දීමක් සිඩ්නි විශ්ව විද්‍යාලයෙන් ජාත්‍යන්තර සිසුන්ට ශිෂ්‍යත්ව Woolworths කාර්ය මණ්ඩලයේ ආරක්ෂාවට ඇඳුමට කැමරාවක්   ශ්‍රී ලංකන් එයාර් ලයින්ස් මිලදී ගන්න ධම්මික පෙරේරාත් සූදානමින්

Read More »