හැම් සහ අන්නාසි එක්ක ඉස්කුරුප්පු ඇණ Pizza

ඇඩිලේඩිහි පදිංචිකරුවෙකු තම නිවසට ගෙන්වා ගත් පීසා ඇනවුමක තිබී ඇණ කිහිපයක් හමුවීමේ සිදුවීමක් සම්බන්ධයෙන් පරික්ෂණයක් ආරම්භ වී තිබෙනවා.

හැම් සහ අන්නාසි ඇතුලත් මෙම පීසා එක විවෘත කර බැලීමේදී ඒ මත විශාල ඉස්කුරුප්පු ඇණ දෙකක් හමුවි ඇති බවයි වාර්තා වන්නේ.

බ්‍රැඩ්මන් පීසා හවුස් වෙතින් අදාළ ඇණවුම මෙම පුද්ගලයා වෙත යොමු කර ඇත්තේ ඌබර් රියදුරෙකු හරහා වන අතර එය ලබා ගත් වහාම හිමිකරු පීසා අවන්හල අමතා මෙම සිදුවීම දැනුම්දී තිබෙනවා.

පසුව පීසා වෙළඳසැල වෙනත් ඇණවුමක් ඔහුට යොමු කර ඉස්කුරුප්පු ඇණ තිබූ පීසා එක යළිත් ගෙන්වාගෙන ඇතැයි සඳහන්.

කෙසේවෙතත් අදාළ ආයතනය පවසන්නේ තම ආයතනය තුලදී කිසිදු ආකාරයකින් පීසා එකට ඇණ වැටීමට අවස්ථාවක් නොමැති අතර ආරක්ෂිත කැමරා දර්ශන ද පරීක්ෂා කර එම තොරතුරු තහවුරු කර ගත් බවයි.

එමෙන්ම සූපවේදීන්ගෙන් ද වහාම ප්‍රශ්න කර ඉස්කුරුප්පු ඇණ වැටීමට හේතුවක් නොමැති බවට හෙළි කරගෙන තිබෙනවා.

පීසා ගෙන්වා ගත් පාරිභෝගිකයා කියා සිටියේ තමන් ඇණවුම ලබා ගන්නා විට ඇති වූ සුළු ආරවුලක් දුරදිග යාම හේතුවෙන් මෙම ඇණ එහි තැබුවේ Uber රියදුරු විය හැකි බවට සැක කරන බවයි.

පසුව බ්‍රැඩ්මන් පීසා හවුස් ආයතනය Uber වෙත පැමිණිලි කර ඇති අතර සාක්ෂි ලෙස තබා ගැනීම සඳහා අදාළ පීසා ඇණවුම ශීතකරණයේ තබා තිබෙනවා.

බාලි වෙත යන ඔස්ට්‍රේලියානුවන්ට ශ්‍රී ලංකාව ගැනත් සිහි කරමින් අනතුරු ඇඟවීමක්

සංචාරකයින් අතර ඩෙංගු උණ පැතිර යාමේ වර්ධනයක් පැවතීම හේතුවෙන් ඩෙංගු පිළිබඳ අවධානයෙන් පසුවන ලෙසට ඉන්දුනීසියාවේ බාලි වෙත යාමට සැලසුම් කර ඇති ඔස්ට්‍රේලියානුවන්ගෙන් සෞඛ්‍ය අංශ ඉල්ලීමක් කරනවා.

Read More »

ඔස්ට්‍රේලියානු කම්කරුවන්ට පඩිත් එක්ක වැඩි වැටුප් ගන්න නව යෝජනාවක්

ඔස්ට්‍රේලියානු කම්කරුවන්ට අර්ධ වැටුප් යටතේ වැඩි නිවාඩු ලබා ගැනීමට හැකි නව යෝජනාවක් ඔම්බුට්ස්මන් කාර්යාලය වෙත ඉදිරිපත් කර තිබෙනවා.

Read More »

පාලිත තෙවරප්පෙරුමගේ මරණයට හේතුව හෙළිවෙයි

අභාවප්‍රාප්ත පාලිත තෙවරප්පෙරුමගේ මරණය විදුලි සැර වැදීමෙන් සිරුරේ අභ්‍යන්තර ඉන්ද්‍රියන්වලට සිදුවූ බරපතළ හානි හේතුවෙන් සිදුවූවක් බව පශ්චාත් පරීක්ෂණයේදී තහවුරු වී තිබෙනවා.

Read More »