පාස්කු ඉරිදා දේව මෙහෙයේදී පාප් වහන්සේගෙන් ආයාචනයක්

ගාසා තීරයේ සහ යුක්රේනයේ යුද්ධ අවසන් කරන ලෙස පාස්කු ඉරිදා දිනයේ වතිකානයේ විශේෂ දේව මෙහෙයට එක්වෙමින් අති උතුම් ශුද්ධෝත්තම ෆ්‍රැන්සිස් පාප් වහන්සේ දැඩි ආයාචනයක් කර තිබෙනවා.

සාමය ඇති වන්නේ ආයුධවලින් නොවේ යනුවෙනුයි පාප් වහන්සේ සිය සම්ප්‍රදායික පාස්කු පණිවිඩයේ සඳහන් කර ඇත්තේ.

ඊශ්‍රායලය සහ හමාස් සංවිධානය අතර ගාසා තීරයේ ගැටුමට සටන් විරාමයක් ගෙන එන ලෙසටත් හමාස් සංවිධානය විසින් රඳවාගෙන සිටින සියලුම ප්‍රාණ ඇපකරුවන් නිදහස් කරන ලෙසත් උන්වහන්සේ ඉල්ලා තිබෙනවා.

ෆ්‍රැන්සිස් පාප් වහන්සේගේ පාස්කු ඉරිදා දිව්‍ය පූජාව සඳහා දස දහස් ගණන් බැතිමතුන් ශාන්ත පීතර චතුරශ්‍රයට රැස්ව සිටි බව සඳහන්.

මහ සිකුරාදා පෙරහැරකට සහභාගි නොවීම නිසා පාප් වහන්සේගේ සෞඛ්‍ය තත්ත්වය පිළිබඳ කනස්සල්ලක් මතු වී තිබුණ ද
87 හැවිරිදි පාප් වහන්සේ දීර්ඝ දේශනයක් කියවීමෙන් අනතුරුව බව්තීස්ම ගණනාවක් ද සිදු කර තිබෙනවා.

ශ්‍රී ලංකාවේ කටුවාපිටිය ශාන්ත සෙබස්තියන් දේවස්ථානයේ දී කතෝලික පූජකවරයකු විසින් කිතුනු බැතිමතුන්ට දිව්‍ය සත්ප්‍රසාදය පිරිනමා තිබෙනවා.

මෙල්බන් කාන්තාවන්ගේ ආත්මාරක්ෂාවට ෆෙඩරල් රජයෙන් ඉල්ලීමක්

වික්ටෝරියා ප්‍රාන්තයේ කාන්තාවන්ට ආරක්ෂාව සඳහා ගම්මිරිස් ඉසින රැගෙන යාමට අවසර ලබා දෙන ලෙස ඉල්ලා ෆෙඩරල් රජයට ලැබෙන ඇමතුම් වැඩි වී තිබෙනවා.

Read More »

යුද විරුවන් සමරන ANZAC දිනය වෙනුවෙන් සැමරුම් වැඩසටහන් රැසක්

දෙවන ලෝක යුද සමයේදී සහ අනෙකුත් යුද ගැටුම්වලදී මියගිය ඔස්ට්‍රේලියා සහ නවසීලන්ත රණවිරුවන් සමරන ඇන්සක් (ANZAC) දිනය අදට යෙදී තිබෙනවා.

Read More »

වික්ටෝරියා ප්‍රාන්තයේ Skilled Visa Migration Nomination වැඩසටහන අවසන්

වික්ටෝරියා ප්‍රාන්තයේ 2023-2024 මූල්‍ය වර්ෂය සඳහා නිපුණතා සංක්‍රමණ වීසා වැඩසටහනට (Skilled Visa Migration Nomination Program) ලියාපදිංචි වීමට ලබාදුන් කාල සීමාව අවසන් වී තිබෙනවා.

Read More »