බංග්ලාදේශයට එරෙහි දෙවන ටෙස්ට් තරගයේදී ශ්‍රී ලංකාවෙන් වාර්තාවක්

බංග්ලාදේශ කණ්ඩායම සමග පැවැත්වෙන දෙවන ටෙස්ට් තරගයේ පළමු ඉනිමේදී වාර්තාවක් පිහිටු වීමට ශ්‍රී ලංකා කණ්ඩායම සමත් වුණා.

ශ්‍රී ලංකා කණ්ඩායම පළමු ඉනිම වෙනුවෙන් සියලු දෙනා දැවී ලකුණු 531ක් රැස් කළ අතර මෙය ලෝක ටෙස්ට් ක්‍රිකට් වාර්තා අතරට එක්වුණේ කිසිදු පිතිකරුවෙකු ශතක නොලබා රැස්කළ ඉහළම ලකුණු සංඛ්‍යාව ලෙසටයි.

මීට පෙර එම දස්කම දක්වා තිබුණේ ඉන්දීය කණ්ඩායම වන අතර ඔවුන් 1976 වසරේදී නවසීලන්තයට එරෙහිව ලකුණු 524ක් රැස්කර තිබුණා.

පළමු ඉනිමේදී ශ්‍රී ලංකා පිතිකරුවන් 06 දෙනෙකු අර්ධ ශතක ලබා ගත අතර පළමු ඉනීමේ වැඩිම ලකුණු ලාභියා වූ කුසල් මෙන්ඩිස් ලකුණු 93ක් ලබා ගත්තා.

නිශාන් මධුෂ්ක ලකුණු 57ක්, දිමුත් කරුණාරත්න ලකුණු 86ක්, දිනේෂ් චන්දිමාල් ලකුණු 59ක්, ධනංජය ද සිල්වා ලකුණු 70ක් සහ කමිඳු මෙන්ඩිස් නොදැවී ලකුණු 92ක් වශයෙන් ශ්‍රී ලංකා ලකුණු පුවරුවට එක් කළා.

ශ්‍රී ලංකා ඉනිමේ අවසන් කඩුල්ල ලෙස අසිත ප්‍රනාන්දු දුවද්දී දැවීයාමත් සමඟ සිය තුන්වන ටෙස්ට් ශතකය රැස් කිරීමට තිබූ අවස්ථාව අනෙක් අන්තයේ පන්දුවට පහර දෙමින් සිටි කමිඳු මෙන්ඩිස්ට අවාසනාවන්ත ලෙස අහිමි වුණා.

ජාත්‍යන්තර ටෙස්ට් ක්‍රිකට් පිටියේ අඛණ්ඩව ශතක තුනක් හෝ ඊට වඩා රැස් කළ පිතිකරුවන් සිටින අතර අරවින් ද සිල්වා, මහේල ජයවර්ධන සහ කුමාර් සංගක්කාර ද ඒ අතර වනවා.

කෙසේ වෙතත් වසර 10කින් ශ්‍රී ලංකා පිතිකරුවෙකුට සිදුකිරීමට නොහැකිව තිබූ එම දස්කම ලකුණු 08ක් මදිවීම හේතුවෙන් කමිඳුට අහිමිව ගියා.

එමෙන්ම කමිඳුට තවත් එක් ලකුණක් රැස්කිරීමට හැකිවූවා නම් මීට වසර 48කට පාකිස්තානයේ ජාවේඩ් මියැන්ඩාඩ් පිහිටුවා තිබූ ලෝක වාර්තාවක් අභිබවා යාමේ අවස්ථාවක් ද පැවතුණා.

මියැන්ඩාඩ් සැලකෙන්නේ ටෙස්ට් වරම් දිනාගෙන ක්‍රීඩා කර පළමු ඉනිම් 04දීම වැඩිම ලකුණු රැස්කළ පිතිකරුවා ලෙසයි.

කෙසේ නමුත් කමිඳු මේ වනවිට මියැන්ඩා සමගින් සමතැන් ගෙන සිටිනවා.

ඔස්ට්‍රේලියාව පැරදූ ඇෆ්ගනිස්ථානයට වාර්තාගත ජයක්

පන්දුවාර 20 ලෝක කුසලාන ක්‍රිකට් තරගාලියේදී ඔස්ට්‍රේලියා කණ්ඩායම පරදවා ඉතිහාසගත වන ජයක් ලබා ගැනීමට ඇෆ්ගනිස්ථාන කණ්ඩායම අද සමත්වුණා. ඒ ඔස්ට්‍රේලියා කණ්ඩායම සමග අද පැවති තරගය ලකුණු 21කින් ජය ගැනීමත් සමගයි. ඇෆ්ගනිස්ථාන කණ්ඩායම ඔස්ට්‍රේලියාවට එරෙහිව තරගයක් ජයග්‍රහණය කළ පළමු අවස්ථාව ද මෙය ලෙසටයි වාර්තා අතරට එක්වන්නේ. මෙම තරගයේ කාසියේ වාසිය දිනූ ඔස්ට්‍රේලියා කණ්ඩායමේ ආරාධනය මත පළමුවෙන් පන්දුවට පහරදුන් ඇෆ්ගනිස්ථානය නියමිත පන්දුවාර 20 අවසානයේ කඩුලු 6ක් දැවී ලකුණු 148ක් රැස් කළා. Rahmanullah Gurbaz පන්දු 49කින් වේගවත් ලකුණු

Read More »

T20 ලෝක කුසලානයේදී Pat Cummins ගෙන් යළිත් වාර්තාවක්

2024 පන්දු වාර 20 ලෝක කුසලාන ක්‍රිකට් තරගාවලියේ ඇෆ්ගනිස්ථානය සමග පැවැත්වෙන තරගයේදී කඩුලු ත්‍රිත්වයක් ලබා ගැනීමට ඔස්ට්‍රේලියා ක්‍රීඩක පැට් කමින්ස් අද සමත්වුණා.

Read More »

ඔස්ට්‍රේලියානු තරුණයන්ගේ ක්‍රියාවක් නිසා අනාගතය ගැන අවදානමක්

දකුණු ඔස්ට්‍රේලියානු තරුණයින් අතර සාමාන්‍ය දුම් පානය අභිබවා ඉලෙක්ට්‍රොනික දුම්වැටි භාවිතය ඉහළ ගොස් ඇති බව නව අධ්‍යයනයකින් හෙළි වී තිබෙනවා.

Read More »

ඇෆ්ගනිස්ථානයෙන් ඔස්ට්‍රේලියාවට ලකුණු 149ක ඉලක්කයක්

පන්දුවාර 20 ලෝක කුසලාන ක්‍රිකට් තරගාවලියේ super 8 වටයේ ඇෆ්ගනිස්ථාන කණ්ඩායම සමග පැවැත්වෙන තරගය ජය ගැනීමට ඔස්ට්‍රේලියාවට ලකුණු 149ක ඉලක්කයක් හිමිව තිබෙනවා.

Read More »