බොහෝ තරුණ ඕස්ට්‍රේලියානුවන් සහ අඩු ආදායම්ලාභී පවුල් ඔවුන්ගේ වාර්ෂික ආදායමෙන් හතරෙන් එකක් සිල්ලර බඩු සඳහා වියදම් කරන බව නවතම සමීක්ෂණයකින් සොයාගෙන තිබෙනවා.
සුපිරි වෙළඳසැල් භාවිත කරනු ලබන ගනුදෙනුකරුවන් 13,000කට වඩා වැඩි සංඛ්‍යාවක් යොදා ගනිමින් ඔස්ට්‍රේලියා පාරිභෝගික අධිකාරිය සිදු කළ සමීක්ෂණයක් මගිනුයි මෙම තොරතුරු අනාවරණ වී ඇත්තේ.
ඇතැම් දෙමවුපියන් වැඩිවන ජීවන වියදම් අර්බුදය සමඟ අරගල කරන විට තම දරුවන් කුසගින්නේ නොතැබීම සඳහා අඩුවෙන් ආහාර ගන්නා බව ප්‍රකාශ කර තිබෙනවා.
සුපිරි වෙළඳසැල් බොහෝ කලක සිට මිල ගණන් අඩු කිරීමට පොරොන්දු වී ඇතත් තවමත් එය ක්‍රියාත්මක නොවන බවටයි චෝදනා එල්ල වන්නේ.
කෙසේවෙතත් ප්‍රධාන සුපිරි වෙළඳසැල් පවසන්නේ මිල ගණන් සම්බන්ධයෙන් යෝජනා කරන ලද නව නීති මත තමන් ක්‍රියාත්මක වෙමින් සිටින බවයි.
ඔවුන් තම වෙළඳපල බලය නැවත නැවතත් අයුතු ලෙස භාවිතා කරන්නේ නම් ප්‍රධාන සමාගම්වල වත්කම් සම්බන්ධයෙන් දැඩි තීරණ ගැනීමට සිදු වනු ඇති බවට අනතුරු අඟවා තිබෙනවා.
