ගංවතුරේ හදන නිවාස ව්‍යාපෘතියකට විරෝධයක්

වික්ටෝරියා ප්‍රාන්තයේ බෙන්ඩිගෝ නගරයේ ජල ගැලීම්වලට ලක්වන ප්‍රදේශයක නිවාස 78ක් ඉදිකිරීමේ සැලසුම ප්‍රදේශවාසීන්ගේ දැඩි විරෝධයට ලක්වී තිබෙනවා.

නිවාස ඉදි කිරීමට යෝජිත ප්‍රදේශයේ ජීවත්වන පුද්ගලයන් පෙන්වා දෙන්නේ නිවාස තැනීමට මෙය සුදුසු ස්ථානය නොවන බවයි.

නිරන්තර ජල ගැලීම් හේතුවෙන් අනාරක්ෂිත වන මෙම භුමි ප්‍රදේශයේ නිවාස ඉදි කළ හොත් එය අනාගතයේදී මිනිසුන්ට හානිදායක වනු ඇති බවයි ඔවුන් අනතුරු අඟවන්නේ.

මෙම භූමිය ගංවතුරෙන් බලපෑමට ලක්වන අතර දැඩි වර්ෂාව පවතින අවස්ථාවන්වල බෙන්ඩිගෝ ගඟේ ජල මට්ටම සීග්‍රයෙන් වැඩි වන බව ඔවුන් පෙන්වා දෙනවා.

එමෙන්ම නිවාස ඉදි කිරීමට යෝජිත භුමිය කෘෂිකාර්මික කලාපයක් වන අතර නිවාස යෝජනා ක්‍රමය අසල්වැසි ප්‍රදේශයකට රැගෙන යා යුතු බවයි ප්‍රදේශවාසීන් පවසන්නේ.

ප්‍රදේශයේ හිටපු ප්‍රාන්ත මන්ත්‍රීවරයෙකු වන මැක්ස් ටර්නර් පවසන්නේ ගංවතුර බිම්වල සංවර්ධන කටයුතු හොඳ අදහසක් නොවන බවයි.

ප්‍රජා සාමාජිකයින්ට මෙම යෝජනාව සම්බන්ධයෙන් සභාවට කරුණු ඉදිරිපත් කිරීමේ අවස්ථාව පසුගිය 25 වනදායින් අවසන්ව තිබුණා.

බෙන්ඩිගෝ නගර බලධාරීන් සඳහන් කළේ ඉඩම ගංවතුරට ගොදුරු විය හැකි වුව ද සැලසුම් සහ ගොඩනැගිලි බලපත්‍ර කොන්දේසිවලට අනුකූල නම් මෙම සංවර්ධන සැලසුම් නතර නොකරන බවයි.

සිඩ්නි දේවස්ථානයේ අපරාධයට සම්බන්ධ සැකකාර ළමයාගේ පෙර වැරදි හෙළිවෙයි

සිඩ්නි දේවස්ථානයක් තුළදී ඊයේ රාත්‍රියේ පිහි ඇනුම සම්බන්ධයෙන් අත්අඩංගුවට සැකකාර 15 හැවිරිදි පිරිමි ළමයා මීට මාස තුනකට පෙර පිහියෙන් ඇනීමේ අපරාධයක් සම්බන්ධයෙන් අධිකරණය හමුවට ඉදිරිපත් කළ අයෙක් බවට හෙළිවී තිබෙනවා.

Read More »

ඔස්ට්‍රේලියාවේ ජාත්‍යන්තර කේක් නිර්මාණ තරගයකින් ශ්‍රී ලාංකිකයෙකුට රන් පදක්කම

ඔස්ට්‍රේලියාවේ පැවති ජාත්‍යන්තර කේක් තරඟාවලියකින් ප්‍රථම ස්ථානය දිනා ගැනීමට ඔස්ට්‍රේලියාවේ වෙසෙන ශ්‍රී ලාංකික ඉංජිනේරුවරියක් වන නිෂා පොල්හේන සමත්ව තිබෙනවා.

Read More »

ඔස්ට්‍රේලියාවේ ඩිජිටල් රියදුරු බලපත්‍රයෙන් වංචාවක්

ඔස්ට්‍රේලියාවේ ඩිජිටල් රියදුරු බලපත්‍ර සාමාන්‍යකරණය වෙමින් පවතින අතර ඊට සමගාමීව වංචනික ක්‍රියා ද ඉහළ ගොස් ඇති බව හෙළි වනවා.

Read More »

ත්‍රස්ත ක්‍රියාවක් බව කියන දේවස්ථානයේ පිහි ඇනුමට අවුරුදු 15ක ළමයෙක් අත්අඩංගුවේ

බටහිර සිඩ්නිහි පිහිටි ඕතඩොක්ස් ක්‍රිස්තියානි දේවස්ථානයකදී බිෂොප්වරයෙකුට සහ පුජකවරයෙකුට පිහියෙන් ඇනිමේ සිදුවීම සම්බන්ධයෙන් 15 හැවිරිදි පිරිමි ළමයෙකු අත්අඩංගුවට ගෙන තිබෙනවා.

Read More »

සිඩ්නි සාප්පු මධ්‍යස්ථානයේ සැකකරු මෙල්ල කළ අයෙකුට ඔස්ට්‍රේලියානු පුරවැසිභාවය හිමිවෙයි

බොන්ඩායි ජන්ෂන් හි සාප්පු මධ්‍යස්ථානයේ පිහි ඇනුමට පැමිණි සැකකරු මෙල්ල කර ගැනීමට ඔහු සමග සටන් කළ ප්‍රංශ ජාතික තරුණයාට ඔස්ට්‍රේලියානු පුරවැසිභාවය ලබාදීමට අග්‍රාමාත්‍ය ඇන්තනි ඇල්බනීස් පියවර ගෙන තිබෙනවා.

Read More »