යුක්රේනයට එරෙහිව රුසියානු හමුදාවට එක්ව සටන් කළ 27 හැවිරිදි ශ්‍රී ලාංකිකයෙකු ජිවිතක්ෂයට පත්වී තිබෙනවා.
රුසියානු බංකරයකට එල්ල වූ යුක්රේන ඩ්‍රෝන ප්‍රහාරයකින් නිපුන සිල්වා නමින් හැඳින්වෙන මෙම ශ්‍රී ලාංකිකයා මියගොස් ඇති බවයි වාර්තා වන්නේ.
තුවාල ලැබූ නිපුන සිල්වා ආරක්ෂිත ස්ථානයකට ගෙන යාමට උත්සාහ කිරීමේදී තවත් ශ්‍රී ලාංකිකයෙකු වන සේනක බණ්ඩාර ද තුවාල ලබා ඇතැයි සඳහන්.
පවතින ආර්ථික ගැටලු හේතුවෙන් මෙම ශ්‍රී ලාංකික තරුණයා රුසියානු හමුදාවට සම්බන්ධ වූ බව මේ වනවිට අනාවරණය වී තිබෙනවා.
මෙලෙස මියගොස් ඇත්තේ ශ්‍රී ලංකා හමුදාව හැර ගොස් රුසියානු හමුදා සමග එක්වූ වසර දහයක හමුදා පල පුරුද්දක් ඇති අයෙක්.
ශ්‍රී ලංකාවේ වෙසෙන තම පවුල නඩත්තු කිරීම සඳහා හමුදා වැටුප ප්‍රමාණවත් නොවීම හේතුවෙන් ඔහු හමුදාවෙන් ඉවත් වී රුසියානු හමුදාව වෙනුවෙන් සටන් කිරීමට තීරණය කර තිබූ බව සඳහන්.
මෙම මරණයත් සමග ශ්‍රී ලාංකික සෙබළුන් දෙදෙනෙකු මේ වන විට යුක්රේන රුසියා ගැටුම් හේතුවෙන් මියගොස් තිබෙනවා.
