දකුණු අප්රිකාවේ හිටපු ජනාධිපති ජේකබ් සූමා රැගත් නිල රථය අනතුරකට ලක්ව තිබෙනවා.
බීමත් රියදුරෙකු ඔහුගේ නිල සන්නද්ධ රථයේ ගැටී ඇති බවයි දකුණු අප්රිකාවේ පොලිසිය සඳහන් කළේ.
නමුත් හිටපු ජනාධිපතිවරයාගේ පක්ෂයේ සාමාජිකයෙක් චෝදනා කළේ මෙම අනතුර ඔහු ඉලක්ක කර හිතා මතා සිදු කර ඇති බවයි.
මැතිවරණ දිනයට පෙර ජනාධිපතිවරයා රෝහලේ වැතිර සිටිනු ඇති බවට විපක්ෂ කණ්ඩායම් විසින් අනතුරු අඟවා තිබූ අතර ජනාධිපතිවරයා ආරක්ෂා කර ගැනීමට කටයුතු කළ ආරක්ෂක ඒකකයේ සාමාජිකයින්ට ස්තූතිවන්ත වන බව ඔහු ප්රකාශ කළා.
මැයි මාසයේ පැවැත්වීමට නියමිත මහ මැතිවරණයට පෙර ප්රචාරක කටයුතුවල නියැලෙමින් සිටින අතර ජේකබ් සූමා මෙම අනතුරට ලක්ව තිබෙනවා.
ජනාධිපති ආරක්ෂක සේවා සාමාජිකයින් ඇතුළු කිසිවෙකුට අනතුරින් තුවාල සිදුවී නොමැති අතර හිටපු ජනාධිපතිවරයා රථයෙන් ඉවත් කර ඔහුගේ නිවසට කැඳවාගෙන ගිය බව පොලිසිය නිවේදනය කළා.
51 හැවිරිදි පුද්ගලයෙක් බීමත්ව අපරික්ෂාකාරී හා නොසැලකිලිමත් ලෙස රිය පැදවීම සම්බන්ධයෙන් අත්අඩංගුවට ගෙන තිබෙනවා.
81 හැවිරිදි ජේකබ් සූමා 2009 වසරේ සිට 2018 දක්වා ජනාධිපති ලෙස කටයුතු කළ අතර දූෂණ චෝදනා හේතුවෙන් ඔහුට ධුරයෙන් ඉවත් වීමට සිදු වුණා.
