කිරි ගවයන්ටත් කුරුළු උණ වැළඳෙයි

ඇමරිකාවේ ටෙක්සාස් සහ කැන්සාස්හි ගොවිපලවල කිරි ගවයින්ට කුරුළු උණ රෝගය වැළඳී ඇතැයි අනාවරණ වී තිබෙනවා.

එම ගවයින්ගේ කිරි කුරුළු උණ සඳහා ධනාත්මක බවට තහවුරු වී ඇති බවයි ඇමරිකා එක්සත් ජනපද නිලධාරීන් ප්‍රකාශ කළේ.

මෙම සතුන්ට ඇති රෝග ලක්ෂණ අතර කිරි ප්‍රමාණය අඩු වීම සහ ආහාර අරුචිය වන බව සඳහන්.

කුකුළන් අතර කුරුළු උණ පැතිර ගිය මිනසෝටා හි ගොවිපලක එළුවන්ට වෛරසය ඇති බව හඳුනා ගැනීමෙන් සතියකට පමණ පසුවයි ගවයන්ට රෝගය වැළඳී ඇති බවට හෙළිවී ඇත්තේ.

ඇමරිකා එක්සත් ජනපදයේ කිරි ගොවිපලවලින් කුරුළු උණ අසාදිත සතුන් හමු වූ පළමු අවස්ථාව ලෙසට මෙය සැලකෙනවා.

එරට කෘෂිකර්ම දෙපාර්තමේන්තුවට අනුව වාණිජ කිරි සැපයුම ආරක්ෂිත වන අතර සෞඛ්‍ය සම්පන්න සතුන්ගේ කිරි පමණක් සැපයුම්වලට යොදා ගනු ලබනවා.

රෝගී සතුන්ගේ කිරි නැවත ගොවිපළ වෙත හරවා යැවීම හෝ විනාශ කිරීම සිදු කෙරෙන බව සඳහන්.

මෙම එළදෙනුන්ට වෛරසය වැළඳී ඇත්තේ ආසාදිත පක්ෂීන්ගෙන් බවට සැක කෙරෙන අතර විශේෂඥයන් පවසන්නේ ගවයින්ට ඇතිවූ අසාදන තත්වයන් ප්‍රතිකාර නොමැතිවම යථා තත්ත්වයට පත් වනු ඇති බවයි.

වෛරසය මිනිසුන්ට පහසුවෙන් අසාදනය විය හැකි ආකාරයක් පරීක්‍ෂණයෙන් අනාවරණය නොවූ බව ෆෙඩරල් රජය ප්‍රකාශ කර තිබෙනවා.

යුද විරුවන් සමරන ANZAC දිනය වෙනුවෙන් සැමරුම් වැඩසටහන් රැසක්

දෙවන ලෝක යුද සමයේදී සහ අනෙකුත් යුද ගැටුම්වලදී මියගිය ඔස්ට්‍රේලියා සහ නවසීලන්ත රණවිරුවන් සමරන ඇන්සක් (ANZAC) දිනය අදට යෙදී තිබෙනවා.

Read More »

වික්ටෝරියා ප්‍රාන්තයේ Skilled Visa Migration Nomination වැඩසටහන අවසන්

වික්ටෝරියා ප්‍රාන්තයේ 2023-2024 මූල්‍ය වර්ෂය සඳහා නිපුණතා සංක්‍රමණ වීසා වැඩසටහනට (Skilled Visa Migration Nomination Program) ලියාපදිංචි වීමට ලබාදුන් කාල සීමාව අවසන් වී තිබෙනවා.

Read More »

ඔස්ට්‍රේලියාවේදී ඇගයීමට ලක්වූ ශ්‍රී ලාංකීය කිරිබත්

ඔස්ට්‍රේලියාවේ මාස්ටර් චෙෆ් තරඟාවලිය සඳහා ඉදිරිපත් වූ ශ්‍රී ලාංකික තරුණියක් පිළිබඳ මේ වන විට සමාජ මාධ්‍ය ඔස්සේ වැඩි අවධානයක් යොමුවී තිබෙනවා.

Read More »