ඔස්ට්‍රේලියාවේ ප්‍රදේශ රැසක ඉන්ධන මිල පහළට

පාස්කු ඉරිදා දිනයට පෙර රට පුරා පෙට්‍රල් මිල පහත වැටෙන බව ජාතික මාර්ග සහ මෝටර් රථ හිමියන්ගේ සංගමය පවසනවා.

පෙට්‍රල් මිල අඛණ්ඩව පහත වැටෙන බැවින් ඔස්ට්‍රේලියානු මෝටර් රථ රියදුරන් මේ සතියේ තම මෝටර් රථවලට ඉන්ධන ලබා ගැනීමට දැඩි උනන්දුවක් පවතින බවයි වාර්තා වන්නේ.

මෝටර් රථ හිමියන්ගේ සංගමයට අනුව කැන්බරා හැර අනෙකුත් සියලුම අගනගරවල පාස්කු නිවාඩුවට පෙර ඉන්ධන මිල පහත වැටීමක් වාර්තා වී තිබෙනවා.

කෙසේ වෙතත් මෙම මිල අඩු කිරීම කෙටි කාලීන විය හැකි අතර ලබන සතියේ යළිත් මිල ඉහළ යනු ඇති බවටයි අපේක්ෂා කෙරෙන්නේ.

සිඩ්නි නුවර පෙට්‍රල් ලීටරයක් ඩොලර් 190යි ශත 5 දක්වා පහත වැටී ඇති අතර ඩීසල් මිල ද ලීටරයක් 200යි ශත 2 දක්වා පහත වැටී තිබෙනවා.

ඇඩිලේඩ්හි පෙට්‍රල් ලීටරයක් ඩොලර් 192යි ශත 3ක් වන අතර බ්‍රිස්බේන්වල පෙට්‍රල් ලීටරයක් මේ දිනවල අලෙවි කරනු ලබන්නේ ඩොලර් 202ක් වැනි මුදලකටයි.

මෙල්බර්න්වල පෙට්‍රල් ලීටරයක් ඩොලර් 203යි ශත 4ක්, පර්ත්හි ඩොලර් 180යි ශත 1ක් ලෙස පවතින අතර කැන්බරා, ඩාවින් සහ හෝබාර්ට් හි මිල වෙනසක් නොමැතිව පවතිනවා.

මෙල්බන් කැළඹූ ගින්න ගැන වෙනස්ම කතාවක්

මෙල්බන් ඩෙරිමට් (Derrimut) ප්‍රදේශයේ දැවැන්ත කර්මාන්ත ශාලාවේ ගින්න වඩාත් දරුණු වීමට හේතුව ගිනි නිවන උපකරණවල අසාර්ථකත්වය බව ගිනි නිවීම් කාර්ය මණ්ඩලය පවසනවා.

Read More »

ශ්‍රී ලාංකිකයන්ට වෙනස් අත්දැකීමක් දෙන්න 𝐌𝐑. 𝐏𝐑𝐄𝐒𝐈𝐃𝐄𝐍𝐓 මෙල්බන්වලට

ඔස්ට්‍රේලියාවේ පැවැත්වෙන විවිධ ප්‍රාසාංගික ඉසව් සිය ගණනක් අතුරින් මෙල්බන් සිටින ශ්‍රී ලාංකිකයන්ට වෙනස්ම අත්දැකීමක් ලබා ගත හැකි වේදිකා නාට්‍යයක් නැරඹීමේ අවස්ථාවක් උදාවී තිබෙනවා.

Read More »

කොකේන් භාවිත කර රිය පදවන්නන්ට ඔස්ට්‍රේලියාවේ ප්‍රාන්තයක නීති තද වෙයි

ලබන වසරේ සිට රියදුරන් සඳහා සිදුකරන අහඹු මාර්ග පරීක්ෂාවලදී කොකේන් භාවිත කර ඇති දැයි පරීක්ෂා කිරීමටද දකුණු ඔස්ට්‍රේලියා ප්‍රාන්ත පොලිසිය සැළසුම් කර තිබෙනවා.

Read More »