ෆෙඩරල් රජයේ අයවැයෙන් ලැබෙන සහනයක් ගැන ඉඟියක්

ෆෙඩරල් රජයේ එලඹෙන අයවැයෙන් ජීවන වියදම් අර්බුධය සඳහා සහනයක් නොමැති බවට ආර්ථික විශේෂඥයින් අනතුරු අඟවනවා.

ඔවුන් පෙන්වා දෙන්නේ ඉදිරි මාස කිහිපය තුළ අභියෝගාත්මක ආර්ථික තත්වයන්ට මුහුණ දීමට ජනතාවට සිදු වනු ඇති බවයි.

තවමත් අරගල කරන සැලකිය යුතු ඔස්ට්‍රේලියානුවන් පිරිසකට ඉදිරි කාලය සඳහා සහනයක් නොලැබෙනු ඇති බවයි ප්‍රධාන ආර්ථික විද්‍යාඥ ෂේන් ඔලිවර් පැවසුවේ.

කෙසේවෙතත් ජීවන වියදම් අර්බුදය විසඳීමට තමන් කැපවී සිටින බව භාණ්ඩාගාර සහකාර අමාත්‍ය ඇන්ඩෲ ලී ප්‍රකාශ කර තිබෙනවා.

උද්ධමනය මධ්‍යස්ථ කිරීම, වැටුප් වැඩි කිරීම සහ විරැකියාව අඩු කිරීමේ සැලසුම් මෙවර අයවැය තුල ඇතුලත් බව ද ඔහු සඳහන් කළා.

මේ අතර සංචිත බැංකුව හෙළිදරව් කර ඇත්තේ සෑම ණය ගැණුම්කරුවන්ගෙන් සියයට පහක් පමණ ඔවුන් උපයන මුදලට වඩා ආපසු ගෙවීම් සඳහා වියදම් කරන බවයි.

ඔවුන්ට වියදම් කපා හැරීමට, වැඩි කාලයක් වැඩ කිරීමට, වත්කම් විකුණා දැමීමට හෝ බැංකු තැන්පතු අඩු කිරීමට සීමාවක් පවතින අතර එම සීමාවට දැන් ළඟා වීමට පටන් ගෙන ඇතැයි සැක කරන බව ද ඔහු පෙන්වා දෙනවා.

මේ අතර මෙවර අයවැයෙන් රැකියා අපේක්ෂකයන්ට මෙන්ම සහ තරුණ දීමනාව ඉහළ නැංවීමක් සිදු කරන ලෙසට ද ඉල්ලීම් ඉදිරිපත් වී ඇති බවයි වාර්තා වන්නේ.

සෑම ඔස්ට්‍රේලියානුවන් තිදෙනෙකුගෙන් එක් අයෙකුගේ ආදායම ඉතා පහත් මට්ටමක පවතින අතර, ආදායම් ආධාරය සකස් නොකළහොත් ඔවුන්ට කිසිදු ප්‍රතිලාභයක් නොලැබෙනු ඇතැයි ඔස්ට්‍රේලියානු සමාජ සේවා කවුන්සිලයේ ප්‍රධාන විධායක නිලධාරී කැසැන්ඩ්‍රා ගෝල්ඩි සඳහන් කළා.

2024 වසරේ ෆෙඩරල් අයවැය ලබන මැයි 14 වන අඟහරුවාදා ඉදිරිපත් කිරීමට නියමිතයි.

ඔස්ට්‍රේලියාවට එන සංක්‍රමණිකයන්ට රැකියා සොයා ගැනීම ගැන උපදෙස් මාලාවක්

ඔස්ට්‍රේලියාවට පැමිණෙන විදේශ සංක්‍රමණිකයින් සඳහා මෙරට රැකියා වෙළඳපල තුළ නව රැකියාවක් කඩිනමින් සොයා ගැනීම පිළිබඳ උපදෙස් මාලාවක් නිකුත් කර තිබෙනවා.

Read More »

ඔස්ට්‍රේලියාවේ සුඛෝපභෝගී SUV මෝටර් රථ කිහිපයක් යළි කැඳවයි

නිෂ්පාදන දෝෂ කිහිපයක් හේතුවෙන් ඔස්ට්‍රේලියාවේ සුඛෝපභෝගී SUV මෝටර් රථ කිහිපයක් නැවත කැඳවීමට ඇස්ටන් මාර්ටින් සමාගම් බලධාරීන් පියවර ගෙන තිබෙනවා.

Read More »

පිහි පරික්ෂාවට පොලිසිය නව නීති ඉල්ලයි

නිව් සවුත්වේල්ස් ප්‍රාන්තය පුරා පිහි ඇනුම් සිදුවීම් ගණනාවක් වාර්තා වීම හේතුවෙන් පොලිස් නිලධාරීන්ට ප්‍රසිද්ධියේ පිහි සෝදිසි කිරීම් සිදු කළ හැකි වන පරිදි නීති හඳුන්වා දෙන ලෙස ප්‍රාන්ත පොලිස් සංගමය ඉල්ලීමක් කරනවා.

Read More »

Today’s Topstories 2024.04.23

ඉලොන් මස්ක්ගේ ප්‍රතිචාරය ගැන අගමැතිගෙන් චෝදනා උණ ආසාදිතයන් ඉහළ යාම හමුවේ එන්නත් ලබා ගන්නැයි දැනුම්දීමක් සිඩ්නි විශ්ව විද්‍යාලයෙන් ජාත්‍යන්තර සිසුන්ට ශිෂ්‍යත්ව Woolworths කාර්ය මණ්ඩලයේ ආරක්ෂාවට ඇඳුමට කැමරාවක්   ශ්‍රී ලංකන් එයාර් ලයින්ස් මිලදී ගන්න ධම්මික පෙරේරාත් සූදානමින්

Read More »