ඔස්ට්‍රේලියාවේ රියදුරන්ට විශේෂ දැනුම්දීමක්

ඔස්ට්‍රේලියාවේ මිලියනයකට අධික රියදුරන් පසුගිය මාස 12 තුළ තම මෝටර් රථය ලියාපදිංචි කිරීම අතපසු කර ඇති බව නවතම අධ්‍යයනයක දී හෙළිව තිබෙනවා.

ෆයින්ඩර් විසින් රියදුරන් 961 දෙනෙකු යොදාගනිමින් සිදු කළ සමීක්ෂණයේදි රියදුරන්ගෙන් සියයට 6ක් සඳහන් කර ඇත්තේ අමතකවීම හේතුවෙන් මෝටර් රථ ලියාපදිංචිය මගහැරී ඇති බවයි.

කාන්තාවන්ගෙන් සියයට 7ක් සහ පිරිමි පුද්ගලයන්ගෙන් සියයට 4ක් මෙලෙස අමතක වීම හේතුවෙන් වාහන ලියාපදිංචිය මගහැර ඇති බව සඳහන්.

තවත් සියයට 4ක් හිතාමතාම මෝටර් රථ ලියාපදිංචිය මගහැර ඇති බව ප්‍රකාශ කර තිබෙනවා.

ලියාපදිංචි නොකළ වාහනයක් පැදවීම නීති විරෝධී වන අතර එලෙස ලියාපදිංචි නොකළ වාහන පැදවීම දඬුවම් ලැබිය හැකි වරදක් ද වනවා.

ලියාපදිංචි නොකළ වාහනයක් පදවා හසුවුව හොත් රියදුරන්ට ලැබෙන දඩ මුදල ප්‍රාන්තයෙන් ප්‍රාන්තයට වෙනස් වන අතර නිව් සවුත් වේල්ස් ප්‍රාන්තයේ එම දඩය ඩොලර් 704ක්.

වික්ටෝරියාහි ලියාපදිංචි නොකල මගී මෝටර් රථ සඳහා ඩොලර් 962ක දඩ මුදලකට යටත්වීමට රියදුරන්ට සිදුවනවා.

ප්‍රාන්ත රජයන් සඳහන් කර ඇත්තේ ඇති ළඟම ලියාපදිංචි ස්ථානය වෙත ගොස් හෝ ඔන්ලයින් මාර්ගයෙන් වාහන ලියාපදිංචි කටයුතු කඩිනමින් සිදු කරගන්නා ලෙසටයි.

තරග පැරදුණු ශ්‍රී ලංකා කණ්ඩායම ගංවතුරට කොටුවෙයි

අමෙරිකාවේ ෆ්ලොරිඩා ප්‍රාන්තයට බලපෑම් කර ඇති ජලගැලීම් තත්ත්වය හේතුවෙන් ශ්‍රී ලංකා ක්‍රිකට් කණ්ඩායමට ද බටහිර ඉන්දීය දූපත් බලා පිටත්ව යාමට නොහැකි වී ඇතැයි වාර්තා වනවා.

Read More »

ඔස්ට්‍රේලියානුවන්ගේ රැකියා සම්බන්ධ නවතම තත්වය මෙන්න

ඔස්ට්‍රේලියාව තුළ නව රැකියා 40,000ක් නිර්මාණය වීමත් සමඟ විරැකියා අනුපාතය සුළු වශයෙන් පහත වැටී ඇතැයි නවතම සමීක්ෂණ මගින් අනාවරණ වී තිබෙනවා.

Read More »