දකුණු ඔස්ට්‍රේලියානු පොලිසිය මත්ද්‍රව්‍ය භාවිත කර රිය ධාවනය කිරීම වැලැක්වීමේ අරමුණින් නව මාර්ග ආරක්ෂණ වැඩසටහනක් ආරම්භ කර තිබෙනවා.
2023 වසරේදී බටහිර ඔස්ට්‍රේලියාවේ මත්ද්‍රව්‍ය භාවිත කර රිය ධාවනය හේතුවෙන් සිදුවූ අනතරුවලින් පුද්ගලයින් 22කට ජීවිත අහිමි වු අතර 95දෙනෙකු බරපතල තුවාල ලබා ඇති බවයි පොලිසිය සඳහන් කළේ.
එම වසරේ දකුණු ඔස්ට්‍රේලියාවේ මත්ද්‍රව්‍ය වැරදිවලට අදාළව රියදුරන් 5361 දෙනෙකුට එරෙහිව නීතිය ක්‍රියාත්මක කර තිබුණා.
විශේෂයෙන් මත්ද්‍රව්‍ය භාවිත කර රිය පැදවීමේ බරපතල තත්වය පෙන්වීමට අදාළ විඩියෝවක් නිර්මාණය කරමින් එය සමාජය පුරා ව්‍යාප්ත කිරීමට පොලිසිය පියවර ගෙන තිබෙනවා
ඒ අනුව මාර්ගවල ඩිජිටල් පුවරු ඔස්සේ ද එම දැන්වීම් ප්‍රදර්ශණය කෙරෙනු ඇති.
මෙම වසරේ මැද භාගය වන විට එම වැඩපිළිවෙල ආරම්භ කරන අතර මත්ද්‍රව්‍ය භාවිතා කර රිය පැදවීමෙන් රියදුරන්ට මෙන්ම මහජනතාවට සිදුවන හානි අවම කිරීම මෙහි අරමුණයි.
