මගීන්ට හිරිහැරයක් වන ආකාරයෙන් හෝ තර්ජනාත්මක ආකාරයෙන් හැසිරෙන කුලී රථ රියදුරන්ගේ බලපත්ර තහනම් කිරීම සඳහා නිව් සවුත්වේල්ස් ප්රාන්ත බලධාරින්ගේ අවධානය යොමුවී තිබෙනවා.
ඒ අනුව වැඩි ගාස්තු අය කරන හෝ මගීන් ප්රතික්ෂේප කරන Taxi රියදුරන්ගේ හැසිරීම් ඇතුලත් දත්ත පද්ධතියක් සකස් කිරීමටයි ප්රාන්ත රජය සැලසුම් කර ඇත්තේ.
එම නව සැලසුම් යටතේ වැරදිකරුවන් වන රියදුරන් අසාදු ලේඛනගත කිරීමේ හැකියාවක් ද පවතින බව සඳහන්.
ප්රවාහන කොමසාරිස්වරයා කුලී රථ කර්මාන්තයේ නිරත වන්නන් සමඟ එක්ව රියදුරු දත්ත ගබඩාව පුළුල් කිරීම සඳහා නීති විරෝධී ක්රියාකාරකම් නිරීක්ෂණය කිරීමට කටයුතු කරනු ඇති.
රියදුරන්ගේ සුදුසුකම්, රිය පැදවීම සම්බන්ධ වැරදි සහ අපරාධ ඉතිහාසයට අමතරව ගාස්තු අය කිරීම් සම්බන්ධ වැරදි ඇතුළුව කරුණු සම්බන්ධයෙන් කොමසාරිස්වරයා සොයා බැලීමට නියමිතයි.
නැවත නැවතත් එවැනි වැරදි සිදු කරන්නන් කුලී රථ කර්මාන්තයෙන් සම්පූර්ණයෙන්ම නෙරපා හැරීම ඇතුලු දැඩි දඬුවම් ලබා දීම සම්බන්ධයෙන් ද අවධානය යොමු වී තිබෙනවා.
ප්රවාහන අමාත්ය ජෝ හේලන් පැවසුවේ, කාලයක සිට කුලී රථ කර්මාන්තය සහ ඒවා භාවිතයට ගන්නා මගීන් සංඛ්යාව පහත වැටී ඇති බවයි.
කුලී රථ කර්මාන්තයේ කීර්ති නාමයට හානි කරන එවැනි රියදුරන් හේතුවෙන් නිවැරදි දේ කරන සහ ප්රජාවට සේවය කරන බහුතරයකට අසාධාරණ ලෙස බලපාන බැවින් එම නීති පද්ධතියේ අඩුපාඩු ඇති බවයි අමාත්යවරිය පෙන්වා දුන්නේ.
සිවිල් ඇඳුමින් සැරසුණු නිලධාරීන් 70කට අධික සංඛ්යාවක් ද යොදා ගනිමින් කුලී රථ රියදුරන් සම්බන්ධයෙන් මෙම නිරීක්ෂණ වැඩපිළිවෙල සිදු කිරීමට නියමිතයි.
