මෙල්බන් නුවර Snake Hunter සුවය ලබන ලකුණු

මාරාන්තික සර්ප දෂ්ඨනයක් හේතුවෙන් රෝහල් ගත කෙරුණු මෙල්බන් නුවර සර්පයන් අල්ලන්නා නොහොත් ස්නේක් හන්ටර් ලෙසට හැඳින්වෙන මාර්ක් පෙලී මේවන විට සුවය ලබමින් සිටින බවට වාර්තා වනවා.

සර්ප දෂ්ඨනයෙන් පසු රෝහලේ දැඩි සත්කාර ඒකකයේ ජීවිතයත් සමඟ සටන් කරමින් ප්‍රතිකාර ලැබූ ඔහු මේ වන විට ඉන් ඉවත් කර වෙනත් වාට්ටුවකටට ඇතුලත් කර ඇති අතර සුවවීමේ සලකුණු පෙන්වමින් සිටින බවයි වෛද්‍යවරුන් ප්‍රකාශ කර ඇත්තේ.

සර්ප දඩයක්කාරයා නොහොත් ස්නේක් හන්ටර් ලෙස සාමාන්‍යයෙන් හඳුන්වනු ලබන මාර්ක් පෙලී පසුගිය සතියේ සර්පයෙකු ඇල්ලීමට යාමේදී උපකරණ කැඩී යාමෙන් එම සර්පයා ඔහුගේ අත සපා කා තිබුණා.

රෝහලට ගෙන ගොස් දැඩි සත්කාර ඒකකයට ඇතුළත් කෙරුණු ඔහුගේ තත්ත්වය සීඝ්‍රයෙන් දුර්වල වී රක්තපාත තත්ත්වයට පත්වූ බව සඳහන්.

තම පියා මේ වන විට හදිසි ප්‍රතිකාර ඒකකයෙන් ඉවත් කර ඇති අතර ඔහු සුව වීමේ ලකුණු පෙන්වමින් සිටින බවයි දියණිය ප්‍රකාශ කර ඇත්තේ.

මෙය වසර 14කට පසු තම පියාට සිදු වූ බරපතල සර්ප දෂ්ඨනය බව ද ඇය සඳහන් කළා.

මාර්ක් පෙලී මෙල්බර්න් නුවර පුරා ප්‍රසිද්ධ වී ඇත්තේ නේවාසික ප්‍රදේශවලින් විෂ සහිත සර්පයන් ඉවත් කර ආරක්ෂිතව වෙනත් ස්ථාන වෙත රැගෙන ගොස් දැමීම සඳහායි.

මෙල්බර්න් විශ්වවිද්‍යාලයේ වාර්තා අනුව පෙලීට දෂ්ට කළ සර්පයන් හේතුවෙන් අංශභාගය, රුධිරය කැටි නොගැසීම, මාංශ පේශිවලට හානි මෙන්ම වකුගඩු අකර්මණ්‍ය වීමට ද හේතු විය හැකි බව සඳහන්.

මහ සයුර මැද අසාධ්‍ය වූ ධීවරයා බේරා ගත් හෙලිකොප්ටර් මෙහෙයුම

ධීවර කටයුතුවල නිරත වෙමින් සිටියදී සාගරයේ සිටින සර්ප විශේෂයක දෂ්ඨනයක් හේතුවෙන් අසාධ්‍ය තත්වයට පත්වූ ධීවරයෙකු ප්‍රතිකාර සඳහා හෙලිකොප්ටර් මගින් ගොඩබිම වෙත රැගෙන විත් තිබෙනවා.

Read More »

වික්ටෝරියා ප්‍රාන්තයට ගේන්න ගිය මුදල් තොගය මග නතර වෙයි

ගෝල්ඩ් කෝස්ට් සිට මිල්ජුරා (Mildura) දක්වා ගමන් කිරීමට නියමිතව තිබූ ගුවන් යානයකට ඩොලර් 830,000ක මුදල් රැගෙන යාමට උත්සාහ කළ බව කියන පුද්ගලයෙක් ආරක්ෂක අංශ විසින් අත්අඩංගුවට ගෙන තිබෙනවා.

Read More »