කැනඩාවේ ඔටාවාහිදී ඝාතනයට ලක්වූ ශ්‍රී ලාංකිකයන් 6 දෙනාගේ අවසන් කටයුතු අද සිදු කෙරෙනවා.
ඔටාවා හි ඉන්ෆිනිටි සම්මන්ත්‍රණ ශාලාවේදි පැවැත්වෙන මෙම අවසන් කටයුතු සංවිධාන කර ඇත්තේ කැනඩාවේ බෞද්ධ කොන්ග්‍රසය විසින්.
කැනඩාවේ වේලාවෙන් පස්වරු 1ට ආරම්භ කෙනෙ අවමංගල්‍ය උත්සවය සියලු ආගම් නියෝජනය කරන ජනතාව වෙනුවෙන් විවෘතව සිදු කිරීමටයි සැලසුම් කර ඇත්තේ.
මෙම ප්‍රහාරයෙන් තුවාල ලැබූ ධනුෂ්ක වික්‍රමසිංහ ද අවමංගල්‍ය අවස්ථාවට එක්වීමට නියමිතව තිබෙනවා.
ඔටාවා අගනුවර සිට කිලෝමිටර් 15ක් පමණ දුරින් පිහිටි බැර්හෙවන් ප්‍රදේශයේ නිවසකදී කුඩා දරුවන් ඇතුලු එකම පවුලේ සාමාජිකයන් 5 දෙනෙකු ඇතුලු 6 දෙනෙකු මෙලෙස ඝාතනයට ලක්ව තිබුණේ පසුගිය බදාදා රාත්‍රියේදීයි.
සිද්ධිය සම්බන්ධයෙන් 19 හැවිරිදි ශ්‍රී ලාංකික සිසුවෙක් අත්අඩංගුවට ගනු ලැබූ අතර ඔහු මේවනවිට රක්ෂිත බන්ධනාගාර ගතව පසුවනවා.
එම සැකකරු අධ්‍යාපනය ලබා ගැනීම සඳහා කැනඩාවට ගොස් සිටි අතර මෙම පවුල සමඟ හිතවත්ව ඔවුන්ගේ නිවසේ කලක් ජීවත් වූ අයකු බව සඳහන්.
මෙම තරුණයා අන්තර්ජාලයේ පරිගණක ක්‍රීඩාවලට ඇබ්බැහි වූ අයෙක් බව ද අයකු බව ද කැනඩා ආරක්ෂක අංශ අනාවරණ කරගෙන ඇති බවයි වාර්තා වන්නේ.
