යුරෝපා සංගමය විසින් ඕස්ට්‍රේලියාවට කොරෝනා එන්නත් අපනයනය කිරීම අවහිර කරයි! – AusLanka TV – Australian News for the Sri Lankan community

යුරෝපා සංගමය විසින් ඕස්ට්‍රේලියාවට කොරෝනා එන්නත් අපනයනය කිරීම අවහිර කරයි!

යුරෝපා සංගමය විසින් ඕස්ට්‍රේලියාවට කොරෝනා එන්නත් අපනයනය කිරීම අවහිර කරයි!

කොරොනා වයිරස් එන්නත් අපනයනය අවහිර කිරීමට යුරෝපා සංගමය පියවර ගැනීමෙන් පසු ඕස්ට්‍රේලියාව තුල කොරෝනා එන්නත ලබා දීම ආරම්භ කිරීම බොහෝවිට ප්‍රමාද වීමට හැකි බවට සඳහන්.

සමහර රටවලට කොරෝනා වෛරස් එන්නත් බෙදා හැරීම​ අවහිර කරන බවට යුරෝපා සංගමය තර්ජනය කිරීමෙන් පසුව ෆෙඩරල් රජය ලෝක සෞඛ්‍ය සංවිධානයට මේ පිළිබඳ සලකා බලන ලෙසට​ ඉල්ලා සිටී.

පෙබරවාරි මාසයේ සැලසුම් කරන ලද එන්නත් නිකුත් කිරීම තවමත් ක්‍රියාත්මක වෙමින් පවතින බව සහතික කිරීම සඳහා ඕස්ට්‍රේලියානු විදේශ කටයුතු අමාත්‍ය මාරිස් පේන් ඕස්ට්‍රේලියාව නියෝජනය කරමින් මේ පිළිබඳව ඇති උනන්දුව ලෝක සෞඛ්‍ය සංවිධානයට තහවුරු කලේය​.

සෞඛ්‍ය අමාත්‍ය ග්‍රෙග් හන්ට් විසින් ඕස්ට්‍රේලියාවට එන්නත සැපයීම සහතික කිරීම සඳහා සියලු වගකිවයුතු පියවර ගනිමින් සිටින බව සඳහන්.

සැපයුම් වල හිඟතාවයන් නිසා මෙලෙස කොරෝනා එන්නත් බෙදා හැරීමේදී ඕස්ට්‍රේලියාව ඇතුළු රටවල් ලැයිස්තුවකට ඖෂධ සමාගම් වන ෆයිසර් සහ ඇස්ට්‍රාසෙනෙකා විසින් නිපදවන එන්නත් සඳහා යුරෝපා සංගමය විසින් මෙලෙස අපනයන සීමාවන් පනවා ඇති බවට සඳහන් වේ.

COMMENTS