වික්ටෝරියා ප්‍රාන්තයේ උත්සවයකට ගිය පිරිසක් අතර රෝගයක් පැතිර යයි

වික්ටෝරියා ප්‍රාන්තයේ දින පහක් පුරා පැවති එසෝටරික් උත්සවයට සහභාගී වූ 120 දෙනෙකු පමණ අසනීප තත්වයක් හේතුවෙන් රෝහල් ගත කර තිබෙනවා.

එමෙන්ම මෙම උත්සවයට සහභාගී වූවන්ට සෞඛ්‍ය අංශ දැනුම්දී ඇත්තේ ගැස්ට්‍රික් ඇතුළු ආමාශයේ ආසාධන තත්වයන් පිළිබඳ අවධානයෙන් පසුවන ලෙසටයි.

පසුගිය සිකුරාදා සිට අඟහරුවාදා දක්වා ඩොනල්ඩ් නගරයේ පැවති උත්සවයට සහභාගී වූ නරඹන්නන් 120 දෙනෙකුට ආමාශගත විවිධ රෝග ලක්ෂණ වාර්තා කර තිබෙනවා.

මෙලෙස රෝහල් ගත වුවන් අතර හදිසියේ ඇති වූ පාචනය, උණ, ඔක්කාරය, වමනය සහ උදරයේ කැක්කුම වැනි රෝග ලක්ෂණ දැකිය හැකියි.

උත්සවයට සහභාගී වූ සහ මෙවැනි රෝග ලක්ෂණ සහිත ඕනෑම අයෙකු වහාම පරීක්ෂණ සඳහා යොමු වන ලෙසටයි සෞඛ්‍ය අංශ දැනුම් දෙන්නේ.

වික්ටෝරියා හි වැඩබලන ප්‍රධාන සෞඛ්‍ය නිලධාරි බෙන් කෝවි ප්‍රකාශ කළේ මෙම ආසාදනය ඉතා ඉක්මනින් බෝවන අතර මුඛ මාර්ගයෙන් හෝ දූෂිත ආහාර හරහා සම්ප්‍රේෂණය විය හැකි බවයි.

උත්සවයේ සංවිධායකයින් ද මෙම වසංගත තත්වය පාලනය කිරීමට සඳහා ප්‍රාදේශීය මහජන සෞඛ්‍ය ඒකකය සහ වික්ටෝරියානු සෞඛ්‍ය දෙපාර්තමේන්තුව සමඟ කටයුතු කරන බව සඳහන්.

යහපත් සනීපාරක්ෂාව මගින් රෝගී තත්වය පැතිරීම වැළැක්විය හැකි අතර ආහාර පරිහරණය කරන්නෙකු, ළමාරක්ෂක සේවකයෙකු, සෞඛ්‍ය සේවකයෙකු හෝ නේවාසික ස්ථානයක සේවකයින් ලෙස කටයුතු කරන ආසාදිතයන් වෛද්‍ය උපදෙස් ලැබෙන තෙක් නැවත සේවයට නොයා යුතු බවට ද දැනුම් දී තිබෙනවා.

ධාවනයෙන් දස්කම් දැක්වූ උසේන් බෝල්ට් ක්‍රිකට්වලටත් එයි

ජාත්‍යන්තර ක්‍රිකට් කවුන්සිලය විසින් ඔලිම්පික් ධාවන ශුරයෙකු වන උසේන් බෝල්ට් ලබන ජුනි මස පළමුවනදා සිට 29 වනදා දක්වා පැවැත්වීමට නියමිත විස්සයි20 ලෝක කුසලානයේ තානාපති ලෙස ප්‍රකාශයට පත් කර තිබෙනවා.

Read More »

සිඩ්නි ත්‍රස්ත මර්දන වැටලීමකින් බාල වයස්කරුවන් පිරිසක් අත්අඩංගුවට

සිඩ්නි සහ ගෝල්බර්න් හි සිදු කළ ත්‍රස්ත මර්දන වැටලීම්වලින් බාල වයස්කරුවන් පස් දෙනෙකු අත්අඩංගුවට ගෙන තිබෙනවා.

Read More »

මෙල්බන් කාන්තාවන්ගේ ආත්මාරක්ෂාවට ෆෙඩරල් රජයෙන් ඉල්ලීමක්

වික්ටෝරියා ප්‍රාන්තයේ කාන්තාවන්ට ආරක්ෂාව සඳහා ගම්මිරිස් ඉසින රැගෙන යාමට අවසර ලබා දෙන ලෙස ඉල්ලා ෆෙඩරල් රජයට ලැබෙන ඇමතුම් වැඩි වී තිබෙනවා.

Read More »