ඇස්බැස්ටෝස්වලින් පරිසර දුෂණයට දායක වන සමාගම්වලට ඩොලර් මිලියන 10ක් දක්වා දඩ නියම කළ හැකි නව නීතියක් සම්මත කර ගැනීමට නිව් සවුත් වේල්ස් ප්රාන්ත බලධාරීන් සූදානම් වනවා.
සිඩ්නි නුවර පුරා ස්ථාන 49ක් ඇස්බැස්ටස්වලින් දුෂිත බවට පරීක්ෂා කර ඇති අතර, ඉන් 6ක් මාරාන්තික ෆ්රයර්බල් ඇස්බැස්ටස් (friable asbestos) අඩංගු බවටයි පරිසර ආරක්ෂණ අධිකාරිය හෙළි කරගෙන ඇත්තේ.
පුලුල්ව පැතිරී ඇති මෙම ඇස්බැස්ටස් දූෂණය හමුවේ ප්රාන්තයේ රෙගුලාසිවල දුර්වලතා සහ හිඩැස් හෙලිදරව් කර ඇති අතර, එම අර්බුධය ප්රාන්ත පාර්ලිමේන්තුව තුළ නව ව්යවස්ථාවකින් විසඳනු ඇතැයි අපේක්ෂා කෙරෙනවා.
නව නීතිවලට අනුව, නීතිවිරෝධී ලෙස ඇස්බැස්ටෝස් බැහැර කිරීම සම්බන්ධයෙන් සමාගම්වලට ඩොලර් මිලියන 10ක් සහ අනෙකුත් ඇස්බැස්ටෝස් සම්බන්ධ දඬුවම් සඳහා ඩොලර් මිලියන 4ක් දක්වා දඩ නියම කළ හැකියි.
ළමා සුරැකුම් මධ්යස්ථාන, රෝහල් සහ පාසල් ඇස්බැස්ටස්වලින් දූෂණය කරන්නන් සඳහා ද සම්බාධක හඳුන්වා දෙනු ඇති.
පනත කඩිනමින් සම්මත කළහොත් ඇස්බැස්ටෝස් දූෂණය සම්බන්ධයෙන් වැරදිකරුවන් වන ඕනෑම අයෙකුට දැඩි දඬුවම් ලැබෙනු ඇති බවයි ප්රාන්ත පරිසර අමාත්යවරිය සඳහන් කළේ.
