ළමයින් අතර පවතින රෝග තත්ත්වයක් ගැන අලුත් අනාවරණයක්

ඔස්ට්‍රේලියාවේ අභ්‍යන්තර නගර සහ පිටත තදාසන්න ප්‍රදේශවල ළමුන් අතර ඇදුම රෝගයේ බරපතල පරතරයක් පවතින බව නවතම අධ්‍යයනයකින් හෙළි වී තිබෙනවා.

ටෙලිතොන් කිඩ්ස් ඉන්ස්ටිටියුට් (Telethon Kids Institute) සහ කර්ටින් (Curtin) විශ්ව විද්‍යාලයේ පර්යේෂකයන් මීට පෙර සඳහන් කර තිබුණේ නගර අභ්‍යන්තර ප්‍රදේශවල ජීවත් වන වයස අවුරුදු 5ත් 14ත් අතර ළමුන් වායු සහ පරිසර දූෂණය හේතුවෙන් ඇදුම රෝගයට ගොදුරු වන බවයි.

එහෙත් පිටත තදාසන්න ප්‍රදේශවල ළමයින්ට ඇදුම වැළඳීමේ සම්භාවිතාව සියයට 12 ක අනුපාතයක් වන අතර එය සමඟ සංසන්දනය කරන විට නගරයේ සියයට හයක් පමණක් බවටයි ඔවුන්ගේ නව අධ්‍යයනයෙන් හෙළි වී ඇත්තේ.

සහකාර මහාචාර්ය ඉවාන් කැමරන් පැවසුවේ මෙම ප්‍රවණතාවය විශාලතම නගර හතර වන සිඩ්නි, මෙල්බර්න්, බ්‍රිස්බේන් සහ පර්ත් සඳහා සත්‍ය බවට ඔප්පු වී ඇති බවයි.

දුප්පත් තදාසන්න ප්‍රදේශවල ඇදුම රෝගයේ ඉහළ අනුපාත පිටුපස සමාජ ආර්ථික ගැටලු ඇති බවටයි ඔවුන් අනාවරණ කරගෙන ඇත්තේ.

තෙතමනය හා දුර්වල වාතාශ්‍රය සහිත ගෑස් උඳුන් මෙන්ම ආහාර සහ තරබාරුකම ඇතුළු නිදන්ගත රෝගවල ඉහළ අනුපාත සහ දුර්වල නිවාසවල ගුණාත්මක භාවය මෙම ගැටලු අතරට අයත්.

පහළ ආර්ථික මට්ටම්වල සිටින ඔවුන්ගෙන් බොහෝ දෙනෙක් කුලි නිවාසවල සිටින අතර මෙම ගැටළු සමනය කිරීමට ක්‍රම නොමැති බවට ද හඳුනාගෙන තිබෙනවා.

එමෙන්ම ඇදුම රෝගය කළමනාකරණය සඳහා එම ප්‍රදේශවල සෞඛ්‍ය සේවා සහාය සඳහා ද දුර්වල ප්‍රවේශයක් තිබිය හැකි බවයි වාර්තා වන්නේ.

පාරිසරික හේතූන් ද ඇදුම අනුපාත සඳහා හේතුවක් වූ අතර දෛනිකව වෙනස් වන කාලගුණය ඇදුම රෝගය වර්ධනයට සාධකයක් විය හැකි බවයි මහාචාර්ය ඉවාන් කැමරන් පැවසුවේ.

ඔස්ට්‍රේලියාව ලෝකයේ ඉහළම ඇදුම අනුපාතයක් ඇති රටක් වන අතර මෙම රෝගය වයස අවුරුදු 1 සිට 14 දක්වා ළමුන්ගෙන් සියයට 8.7 කට බලපා තිබෙනවා.

පර්යේෂකයන් බලාපොරොත්තු වන්නේ ඔස්ට්‍රේලියාවේ ළමා ඇදුම වසංගතයට එරෙහිව සටන් කිරීම සඳහා නව ප්‍රතිපත්ති මෙන්ම සායන සැලසුම් කිරීමට තම සමීක්ෂණයේ තොරතුරු යොදා ගත හැකි බවයි.

ඔස්ට්‍රේලියාවේ පුරප්පාඩු පිරවීමට ගුරු උපාධි අපේක්ෂකයින්ට ඩොලර් 40000ක ශිෂ්‍යත්ව

රට පුරා පවතින ගුරු පුරප්පාඩු පිරවීමේ අරමුණින් ගුරු උපාධි අපේක්ෂකයින් සදහා ඩොලර් 40000ක ශිෂ්‍යත්ව ලබා දීමට ෆෙඩරල් රජය පියවර ගෙන තිබෙනවා.

Read More »

ඔස්ට්‍රේලියාවේ ඉල්ලීමක් ට්විටර් ප්‍රතික්ෂේප කරයි

සිඩ්නි දේවස්ථානයකදී සිදු වූ පිහි ඇනුම සම්බන්ධ වීඩියෝ සමාජ මාධ්‍ය ඔස්සේ හුවමාරු විම වැළැක්වීමට කටයුතු කරන ලෙසට බලධාරීන් ට්විටර් ඇතුලු සමාජ මාධ්‍ය ප්‍රධානීන්ගෙන් ඔස්ට්‍රේලියා ඊ සේෆ්ටි කොමසාරිස්වරයා ඉල්ලීමක් කර තිබෙනවා.

Read More »

රෝගියෙකුට කොවිඩ් ආසාදිතව සිටි දීර්ඝතම කාලය වාර්තා වෙයි

කොවිඩ් වෛරසය ආසාධනය වී දින 613ක්, එනම් වසරකුත් මාස 8ක පමණ කාලයක් ගතවී ඇතත් සුවය නොලැබූ පුද්ගලයෙක් පිළිබඳ නෙදර්ලන්තයෙන් වාර්තාවී තිබෙනවා.

Read More »

ඊශ්‍රායලයට උපරිම මට්ටමින් ප්‍රතිචාර දක්වන්න ඉරානයෙන් සැලසුම්

ගැටුම් නතර කර සන්සුන් වන ලෙසට ලෝකයම ඉල්ලා සිටින අවස්ථාවක ඊශ්‍රායලය ඊට එරෙහිව ක්‍රියා කළහොත් තම උපරිම මට්ටමින් ප්‍රතිචාර දක්වන බව ඉරානය අවධාරණය කරනවා.

Read More »

සිඩ්නි පිහි ඇනුමෙන් බලපෑමට ලක්වූවන්ට රජයෙන් සහන පැකේජයක්

බොන්ඩායි ජන්ෂන් හි වෙස්ට්ෆීල්ඩ් වෙළඳ සංකීර්ණයේ ඛේදවාචකයෙන් බලපෑමට ලක් වූ කම්කරුවන් සහ ව්‍යාපාර සඳහා නිව් සවුත්වේල්ස් ප්‍රාන්ත රජය ආධාරක පැකේජයක් ප්‍රකාශයට පත් කර තිබෙනවා.

Read More »