අපයෝජන චෝදනා 116කට පුද්ගලයෙක් ඇල්ලූ පොලිසිය කියන කතාව

ළමා අපයෝජන වැරදි 116ක් සම්බන්ධයෙන් චෝදනා එල්ල වූ ක්වීන්ස්ලන්ඩ් ප්‍රාන්තයේ පුද්ගලයෙකු පොලිස් අත්අඩංගුවට ගෙන තිබෙනවා.

31 හැවිරිදි සැකකරු මාස ගණනාවක් පුරා අන්තර්ජාලය හරහා බාලවයස්කරුවන් ඉලක්ක කර ගනිමින් ක්‍රියාකාරීව සිටි බවටයි පොලිසිය චෝදනා කරන්නේ.

රහස් පරීක්ෂකයින් විසින් සන්ෂයින් කෝස්ට්හි සෝදිසි වරෙන්තුවක් මත සිදු කළ විමර්ශනයක දී මෙම පුද්ගලයා අත්අඩංගුවට ගෙන තිබෙනවා.

ස්ත්‍රී දූෂණය, ලුහුබැඳීම, වැරදි අරමුණු සඳහා දරුවෙකු රැගෙන යාම, දරුවෙකුට අශෝභන ලෙස සැලකීම සහ භයානක මත්ද්‍රව්‍ය සැපයීම ඔහුට එල්ලවී ඇති චෝදනාවලට ඇතුළත්.

සැකකරු අධිකරණයට ඉදිරිපත් කිරීමෙන් පසු රක්ෂිත බන්ධනාගාර ගත කර ඇති අතර ලබන 18 වනදා මරුචිඩෝර් මහේස්ත්‍රාත් අධිකරණයේ පෙනී සිටින ලෙසට නියෝග කර තිබෙනවා.

පොලිසිය පැවසුවේ මෙම සිදුවීම්වලට සම්බන්ධ ළමුන් කිහිප දෙනෙකු හඳුනාගෙන ඇති අතර ඔවුන්ගේ පවුල් සමඟ සහයෝගයෙන් විමර්ශන සිදු කරන බවයි.

දෙමාපියන් තම දරුවන් අන්තර්ජාලය හරහා නිරාවරණය විය හැකි පුද්ගලයින් සහ ඔවුන් බාලවයස්කරුවන් සමඟ ක්‍රියා කරන ආකාරය පිළිබඳව දැනුවත් වීමේ වැදගත්කම මෙම සිදුවීම තුළින් වඩාත් පෙන්නුම් කෙරෙන බව ද පොලිසිය සඳහන් කළා.

තම දරුවාගේ ලැප්ටොප් පරිගණකය, දුරකථනය සහ වෙනත් උපාංගවල පාස්වර්ඩ් දෙමාපියන් දැන ගැනීම වැදගත් බවයි ඔවුන් අවධාරණය කළේ.

ඉරාන ප්‍රහාරයක අවදානමක් නිසා ඇමෙරිකා පුරවැසියන්ට දැනුම් දීමක්

ඉරානයෙන් ප්‍රහාරයක් එල්ල වනු ඇතැයි පවතින බිය හේතුවෙන් ඇමරිකා එක්සත් ජනපදය ඊශ්‍රායලයේ සිටින සිය සේවකයන්ට ගමන් බිමන් සීමා කරන ලෙසට උපදෙස් ලබාදී තිබෙනවා.

Read More »

ඔස්ට්‍රේලියාව සහ රටවල් රැසක ළමයින්ට මාරාන්තික විය හැකි රෝගයක් ව්‍යාප්ත වෙයි

ශ්වසන පද්ධතිය ආශ්‍රිතව බෝවන රෝගයක් වන කක්කල් කැස්ස යළි ඔස්ට්‍රේලියාව ඇතුලු ලොව පුරා රටවල් කිහිපයක ව්‍යාප්ත වෙමින් පවතින බව වාර්තා වනවා.

Read More »

මෙවර ඔලිම්පික් උළෙලේ සිට ජයග්‍රාහකයන්ට අලුත් ත්‍යාගයක්

එළැඹෙන ඔලිම්පික් උලෙළේ සිට ජවන හා පිටිය ක්‍රීඩා ඉසව්වලින් ජයග්‍රහණ ලබා ගන්නා ක්‍රීඩක ක්‍රීඩිකාවන්ට මුදල් ත්‍යාග පිරිනැමීමට ලෝක මලල ක්‍රීඩා සම්මේලනය තීරණය කර තිබෙනවා.

Read More »

ආර්ථික වර්ධනය ඉහළ නංවන සැලැස්ම අගමැති හෙළි කරයි

ප්‍රධාන කර්මාන්ත සඳහා ආධාර සපයමින් ඔස්ට්‍රේලියාවේ ආර්ථික වර්ධනය ඉහළ නැංවීමට සැලැස්මක් අග්‍රාමාත්‍ය ඇන්තනී ඇල්බනිස් හෙළි කර තිබෙනවා.

Read More »