ජීවන වියදම් අර්බුදය මධ්යයේ එදිනෙදා අත්යවශ්ය ද්රව්ය මිලදී ගැනීමට ඔස්ට්රේලියානුවන් විශාල සංඛ්යාවක් ක්රෙඩිට් කාඩ්පත් මගින් ගණුදෙනු සිදු කරන බව අනාවරණය වී තිබෙනවා.
ඒ අනුව සෑම ඔස්ට්රේලියානුවන් හතර දෙනෙකුගෙන් එක් අයෙක් මෙලෙස ජීවන අර්බුදය හමුවේ පෙර නොවු අයුරින් එදිනෙදා අවශ්යතා සඳහා ක්රෙඩිට් කාඩ්පත් භාවිත කරන බව සඳහන්.
සිදු කරන ලද සමීක්ෂණයකට අනුව ක්රෙඩිට් කාඩ්පත් සඳහා යොමු වූ වැඩිම පිරිසක් වාර්තා වන්නේ දකුණු ඕස්ට්රේලියාවේ සහ ක්වීන්ස්ලන්ඩ් ප්රාන්තයෙන්.
එම අගය පිළිවෙලින් සියයට 34 සහ සියයට 30ක්.
සමස්ථයක් ලෙස ක්රෙඩිට්කාඩ් පත් ගණුදෙනු සඳහා අලුතින් එක්වු ඔස්ට්රේලියානුවන් පිරිස සියයට 27ක් වනවා.
පුද්ගලයන් හය දෙනෙකුගෙන් එක් අයෙකු එදිනෙදා වියදම් ගෙවීම සදහා ක්රෙඩිට් කඩ්පත් ගණුදෙනු සදහා යොමුවන බව සඳහන්.
පවතින මූල්ය ආතතිය මත ඔස්ට්රේලියානුවන්ගෙන් සියයට 8.5 ක් පුණ්යායතනයකින් උපකාර ඉල්ලා සිටින බව නවතම වාර්තා අනුව පෙනී ගොස් තිබෙනවා.
මේ අනුව ජීවන වියදම් අර්බුදය විසඳීම සඳහා රජය මැදිහත් විය යුතු බවයි ඔස්ට්රේලියානුවන් ප්රකාශ කරන්නේ.
මේ අතර සෑම වසරකම ඩොලර් බිලියන 2.5ක වටිනාකමින් යුත් අලෙවි නොවූ ගෘහ භාණ්ඩ, ඇඳුම් සහ පුද්ගලික සනීපාරක්ෂක භාණ්ඩ අනවශ්ය ලෙස නාස්ති වන බව ද තොරතුරු වාර්තා වනවා.
සමාජ සේවා අංශ පවසන්නේ මෙම භාණ්ඩ පුණ්ය ආයාතන ඔස්සේ හෝ පුද්ගලයින් වෙත ලබා දීම කෙරෙහි අවදානය යොමු කළ යුතු බවයි.
