ඇමරිකානු හමුදා සෙබලුන් දහසක් සමග ගාසා තීරයට නෞකාවක්

ගාසා තීරයට මානුෂීය ආධාර බෙදා හැරීම වෙනුවෙන් වරායක් තැනීම සඳහා උපකරණ රැගෙන එක්සත් ජනපද හමුදා නෞකාවක් ගමන් ආරම්භ කර තිබෙනවා.

මෙම නෞකාව පැමිණෙන්නේ මිලියන 2.3ක ජනතාවක් වෙසෙන වෙරළබඩ ප්‍රදේශයට සාගතයක් පැමිණ ඇති බවට එක්සත් ජාතීන්ගේ සංවිධානය ප්‍රකාශ කරමින් සිටින අවස්ථාවකයි.

ඒ සමගම ආහාර සහ පිටි ටොන් 200ක් රැගත් ආධාර නෞකාවක් අද ගාසා තීරයට බලා ගමන් ආරම්භ කිරීමට ද නියමිතව තිබෙනවා.

පලස්තීන සිවිල් වැසියන්ට අත්‍යවශ්‍ය මානුෂීය ආධාර සැපයීම සඳහා ගාසා තීරයේ තාවකාලික වරායක් ඉදිකිරීම සඳහා නෞකාවක් යවා ඇති බවයි එක්සත් ජනපද බලධාරීන් ද සඳහන් කළේ.

ඊශ්‍රායලයේ ප්‍රහාර යටතේ ජීවත් වන සිවිල් වැසියන්ට ආහාර සහ අනෙකුත් අත්‍යවශ්‍ය සැපයුම් ලබාදීම සඳහා මෙම වරාය මගින් නව මුහුදු මාර්ගයක් විවෘත කරනු ඇතැයි අපේක්ෂිතයි.

ගොඩබිමෙන් ආධාර බෙදා හැරීමේදී සහ අතිවිශාල බාධකවලට මුහුණ දෙන බව එක්සත් ජාතීන්ගේ සංවිධානය ප්‍රකාශ කර තිබෙනවා.

ගාසා තීරයට සහන සැපයුම් සඳහා ප්‍රවේශය පහසු කරන ලෙස සහ ඔවුන්ගේ රථ පෙළට භූමිය තුළට ආරක්ෂිතව ගමන් කිරීමට ඉඩ දෙන ලෙසටයි සහන ආයතන ඊශ්‍රායලයෙන් ඉල්ලා ඇත්තේ.

තාවකාලික වරාය ඉදිකිරීමේ ක්‍රියාවලියට ඇමරිකානු හමුදා භටයන් 1,000ක් සම්බන්ධ විය හැකි බව පෙන්ටගනය ප්‍රකාශ කර ඇති අතර ඔවුන් කිසිවෙකුත් ගොඩබිම මෙහෙයුම් වෙනුවෙන් යොදා ගැනෙන්නේ නැහැ.

සැලසුම් කළ තොටුපළ පිහිටුවන්නේ කොතැනද යන්න මෙතෙක් නිශ්චිතව ප්‍රකාශ කර නොමැති බවයි වාර්තා වන්නේ.

එක්සත් ජනපද මාධ්‍යවල නිලධාරියෙකු උපුටා දක්වමින් විදෙස් මාධ්‍ය සඳහන් කළේ පාවෙන තොටුපළක් තාවකාලික මාවතකින් ගොඩබිමට සම්බන්ධ කරනු ඇති බවයි.

රෝගී සැමියා අවසන් ගමන් යවන්න හැදූ බිරිඳට වැඩ වරදී

ඩිමෙන්ශියා රෝගයෙන් පෙළුණු තම සැමියා එන්නතක් ශරීර ගත කර ඝාතනයට තැත් කළ කාන්තාවක් පිළිබඳ පුවතක් බටහිර ඔස්ට්‍රේලියාවෙන් වාර්තා වනවා.

Read More »

තරුණයන්ට දුම් පානය කිරීමට නොහැකි වෙන නව නීතියක්

2009 වසරෙන් පසු උපත ලැබූ ඕනෑම අයෙකුට දුම්පානය තහනම් කිරීමට නීති සම්පාදනය කෙරෙන පනත් කෙටුම්පතට එක්සත් රාජධානියේ නීති සම්පාදකයින් සහාය දක්වා තිබෙනවා.

Read More »

අවුරුදු ගීතයක් විකෘති කළ රාජ්‍ය සේවකයෙක් අත්අඩංගුවට

ප්‍රවීණ ගායන ශිල්පී රෝහණ බැද්දගේ ශුරීන්ගේ අලුත් අවුරුදු ගීතයක් විකෘත කිරීමේ චෝදනා මත සුරාබදු නිලධාරියෙකු පොලිස් අත්අඩංගුවට ගෙන තිබෙනවා.

Read More »

තමාම නිර්මාණය කර ගත් සොහොන් බිමේ අවසන් ගමන් යන පාලිත තෙවරප්පෙරුම

අභාවප්‍රාප්ත හිටපු නියෝජ්‍ය අමාත්‍ය පාලිත තෙවරප්පෙරුමගේ දේහය පිළිබඳ අවසන් කටයුතු ලබන සෙනසුරාදා ඔහු විසින්ම නිර්මාණය කර ගත් සුසාන භූමියේදී සිදු කිරීමට නියමිත බව පවුලේ ඥාතීන් පවසනවා.

Read More »

කාන්තාවන්ගේ මූලික අවශ්‍යතාවයක් බදුවලින් නිදහස් කරන්නැයි ඉල්ලීම්

බ්‍රිතාන්‍ය කාන්තාවන්ගේ යට ඇඳුම් සහ සනීපාරක්ෂක තුවා සඳහා බදු මුදල් අය කිරීම සාධාරණ නොවන බවට සමාජ කතිකාවක් නිර්මාණය වී තිබෙනවා.

Read More »