සංචාරක ආකර්ෂණය දිනා ගන්න පර්ත් නුවර අලුත් වැඩක්

බටහිර ඔස්ට්‍රේලියානු රජය විසින් පර්ත්හි ස්වෝන් ගඟ (Swan) හරහා පාපැදිකරුවන් සහ පා ගමනින් යන ජනතාව වෙනුවෙන් නව පාලමක් ඉදි කිරීමට සැලසුම් කර තිබෙනවා.

වික්ටෝරියා උද්‍යානය සහ පර්ත් මධ්‍යම වෙළඳ නගරය සම්බන්ධ කරමින් ඉදි කෙරෙන මෙම දැවැන්ත පාලමේ ආකෘතියක් මේවන විට ප්‍රකාශයට පත් කර ඇති අතර ඒ වෙනුවෙන් වෙන් කර ඇති මුදල ඩොලර් මිලියන 100ක්.

මෙම පාලම් ව්‍යාපෘතියට ඩිජිටල් ආලෝක පද්ධතියක් ද ඇතුළත් වන අතර එමගින් විවිධ කලා කෘති පාලමේ කේබල් මත ප්‍රක්ෂේපණය කිරීමට සැලසුම් කර ඇති බව සඳහන්.

මෙම වසර අවසන් වන විට මගී පාලමේ ඉදිකිරීම් අවසන් කිරීමටයි බටහිර ඔස්ට්‍රේලියා රජය අපේක්ෂාවෙන් පසුවන්නේ.

ප්‍රාන්ත අගමැති රොජර් කුක් පැවසුවේ මෙය ඉදි කිරීමෙන් පසු පර්ත් නුවර ජනතා ආකර්ෂණය දිනා ගන්නා ප්‍රධාන ස්ථානයක් වනු ඇති බවයි.

පාලමේ මීටර් 17 ත් 94 ත් අතර ප්‍රමාණයේ දිගින් යුත් රැඳවුම් කේබල් ඇතුළත් වන අතර එමඟින් විවිධ ඡායාරූප සංචාරකයින්ට ප්‍රක්ෂේපණය කිරීමට හැකියාව පවතිනවා.

ප්‍රාන්ත ප්‍රවාහන අමාත්‍ය රීටා සෆියෝටි පැවසුවේ ඉදිරි දශක ගණනාවක් සඳහා බොහෝ ප්‍රජා ක්‍රියාකාරකම් වෙනුවෙන් මෙය විශේෂාංගයක් වනු ඇති බවයි.

දේශපාලන පණිවිඩ හෝ ව්‍යාපාරික ප්‍රචාරණයක් පාලමේ ඩිජිටල් ආලෝක පද්ධතියෙන් සිදු නොකෙරෙන අතර ප්‍රදර්ශන මගින් මාර්ග පාලම භාවිත කරන රියදුරන්ගේ අවධානය වෙනතකට යොමු නොකරන බවටයි ඇය සහතික වී ඇත්තේ.

ඩොලර් මිලියන 100 ක පාලම් ව්‍යාපෘතිය සඳහා අරමුදල් සපයනු ලබන්නේ ප්‍රාන්ත සහ ෆෙඩරල් රජය විසින්.

කුලී නිවාස ගන්න යනවා නම් මේ වංචාවට හසුවෙන්න එපා

කුලී නිවාස සපයා දෙන මුවාවෙන් සමාජ මාධ්‍ය ඔස්සේ සිදුකෙරෙන මූල්‍ය වංචා පිළිබඳ අවධානයෙන් පසුවන ලෙස පොලිසිය ජනතාව දැනුවත් කර තිබෙනවා.

Read More »

ඔස්ට්‍රේලියාවේ අඩු ආදායම්ලාභීන් වෙනුවෙන් ඉල්ලීමක්

අඩු ආදායම්ලාභී පවුල් සඳහා මුල් ළමාවිය අධ්‍යාපන පහසුකම් ඇතුලු ළමා රක්ෂණ සේවා නොමිලේ ලබා දෙන්නැයි ඵලදායිතා කොමිෂන් සභාව ෆෙඩරල් රජයෙන් ඉල්ලීමක් කර තිබෙනවා.

Read More »

ජීවිත 6ක් බිලිගත් සිඩ්නි ප්‍රහාරය ගැන තවත් තොරතුරු හෙළිවෙයි

සිඩ්නි නැගෙනහිර වෙස්ට්ෆීල්ඩ් බොන්ඩායි ජන්ෂන් හි සාප්පු මධ්‍යස්ථානයකදී පුද්ගලයන් කිහිප දෙනෙකුට පිහියෙන් ඇනීමෙන් පසු පොලිස් වෙඩි පහරින් මිය ගිය 40 හැවිරිදි වියේ පසුවන පුද්ගලයා හඳුනා ගැනීමට පොලිසිය තවදුරටත් විමර්ශන සිදු කරමින් පවතිනවා.

Read More »

සිඩ්නි වෙස්ට්ෆීල්ඩ් සාප්පු සංකීර්ණයේ පිහි ඇනුමෙන් 7ක් ජීවිතක්ෂයට

සිඩ්නි හි නැගෙනහිර වෙස්ට්ෆීල්ඩ් බොන්ඩි හන්දියේ සාප්පු මධ්‍යස්ථානයේදී සිදු වූ පිහි ඇනුමෙන් සහ වෙඩි තැබීමෙන් ප්‍රහාරකයා ඇතුලු පුද්ගලයන් 7දෙනෙකු මියගොස් තිබෙනවා.

Read More »