වංචනිකව මුදල් ඉපයූ කාන්තාවගේ සිඩ්නි සුපිරි නිවසට සිදුවූ දේ

වංචනික ක්‍රියාවන් රැසකට සම්බන්ධ බවට චෝදනා එල්ලවී සිටින මෙලිසා කැඩික්ගේ සිඩ්නි පිහිටි සුඛෝපභෝගී නිවස හෙළිදරව් නොකළ මුදලකට අලෙවි කර තිබෙනවා.

මෙම සුඛෝපභෝගී මහල් නිවාසය ඇයගේ දෙමාපියන් විසිනුයි මීට පෙර අත්පත් කරගෙන සිටියේ.

මෙලිසා කැඩික් යනු මූල්‍ය සේවා බලපත්‍රයක් නොමැතිව මූල්‍ය ව්‍යාපාරයක් පවත්වාගෙන යාම සම්බන්ධයෙන් ඔස්ට්‍රේලියා සුරැකුම්පත් සහ ආයෝජන කොමිෂන් සභාව විසින් කරන ලද පරීක්ෂණයක් හමුවේ 2020 වසරේ නොවැම්බර් මාසයේ සිට අතුරුදහන් වූ ඔස්ට්‍රේලියානු කාන්තාවක්.

ඇයගේ නිවස අලෙවියෙන් ලැබෙන වත්කම් කැඩික්ගේ ආයෝජකයින්ගේ මුදල් ආපසු ගෙවීමට යොදවනු ඇති බවයි වාර්තා වන්නේ.

49 හැවිරිදි මෙලිසා කැඩික්ට අයත් මෙම නිවාස සිඩ්නි හි නැගෙනහිර ප්‍රදේශයේ එජ්ක්ලිෆ් හි පිහිටා තිබෙනවා.

මෙම මහල් නිවාසය මීට පෙර ඩොලර් මිලියන 5.5කට අලෙවි කිරීම සඳහා පසුගිය 2023 වසරේ ඔක්තෝබර් 10 වෙනිදා වෙන්දේසියට ඉදිරිපත් කර තිබුණා.

කෙසේ වෙතත් පසුව එය ඉවත් කර පුද්ගලිකව විකිණීම සඳහායි පියවර ගැනුණේ.

සුඛෝපභෝගී නිවස අලෙවි කළ මිල අනාවරණය කර නොමැති වුව ද එය ඩොලර් මිලියන 5 සීමාවට වඩා අඩු බවට විශ්වාස කෙරෙනවා.

මෙම මහල් නිවාසයේ කලින් පදිංචිව සිටියේ කැඩික්ගේ දෙමාපියන් වන ටෙඩ් සහ බාබරා ග්‍රිම්ලි වන අතර ඇය ඩොලර් මිලියන 2.55ක් ගෙවා 2016 වසරේදී දර්ශනීය දර්ශන සහිත මෙම මහල් නිවාසය මිලදී ගෙන තිබුණා.

දෙමව්පිය යුවළ පසුව පැවසුවේ තමන් මිය යන තෙක් කුලියක් නොගෙවා එහි ජීවත් විය හැකි කොන්දේසිය මත මෙම මහල් නිවාසයට ඩොලර් මිලියන 1.2 කට ආසන්න මුදලක් ගෙවා ඇති බවයි.

නමුත් අවසානයේදී, කැඩික්ගේ දේපළවලින් ඩොලර් 950,000ක ගෙවීමක් සඳහා එකඟ වීමෙන් පසු ඔවුන් නිවසින් පිටවී යාමට එකඟවී තිබෙනවා.

ස්වයං මූල්‍ය උපදේශකයෙකු වන කැඩික්, ආයෝජන වංචාවක් හරහා පවුලේ අයගෙන් සහ මිතුරන්ගෙන් වංචා කළ ඩොලර් මිලියන 23ක පමණ මුදලින් සුඛෝපභෝගී ජීවිතයක් ගත කළ බව සඳහන්.

49 හැවිරිදි ඇය 2020 නොවැම්බර් මාසයේදී අතුරුදහන් වූයේ සිඩ්නි හි පිහිටි මෙම සුඛෝපභෝගී නිවස විමර්ශකයින් විසින් වටලා දින කිහිපයකට පසුවයි.

පසුව ඇය මියගොස් ඇතැයි අනාවරණ වන සිරුරු කොටස් කිහිපයක් නිව් සවුත්වේල්ස් ප්‍රාන්තයේ වෙරළකින් හමුවුද මෙතෙක් ඒ සම්බන්ධ නිශ්චිත තොරතුරක් හෙළිවී නැහැ.

දැඩි ශීතල මැද එළිමහනේ නිදාගත් ඔස්ට්‍රේලියානු ආයතන ප්‍රධානීන්ට ඩොලර් මිලියන 7.7ක්

Vinnies CEO Sleepout වැඩසටහන යටතේ මෙවර ඔස්ට්‍රේලියාවේ ආයතන රැසක ඉහළ නිලධාරීන් දැඩි ශීතල මධ්‍යයේ රාත්‍රිය ගත කර ඩොලර් මිලියන 7.7ක මුදලක් රැස් කර තිබෙනවා.

Read More »

මිතුරියන්ගේ ඡායාරූප වෙනස්ම වැඩකට යොදා ගත් සිඩ්නි තරුණයෙකුට අමතක නොවන දඬුවමක්

තම මිතුරියන්ගේ පෞද්ගලික සමාජ මාධ්‍ය ගිණුම්වලින් ඡායාරූප ලබාගෙන ඒවා අසභ්‍ය වෙබ් අඩවියකට මුදා හැරීම සම්බන්ධයෙන් අත්අඩංගුවට ගත් සිඩ්නි පදිචිකරුවෙකුට වසර නවයක සිර දඬුවම් නියම කර තිබෙනවා.

Read More »

දුම්රිය නිසා මෙල්බන් පදිංචිකරුවන් පිරිසකට නිදහසක් නැති වෙයි

මෙල්බර්න් Thomastown පරදේශයේ විවෘත කරනු ලැබූ නව දුම්රිය ස්ථානය හේතුවෙන් තමන්ට දුෂ්කරතා රැසක් මතුවී ඇතැයි ප්‍රදේශවාසීන් චෝදනා කරනවා.

Read More »

සිඩ්නි රෝහලක රෝගියෙක් නිසා කාර්ය මණ්ඩලයටත් රෝහල් ගත වෙන්න වෙයි

සිඩ්නි රෝහලක සේවකයන් පිරිසකට පහර දී පිහියෙන් ඇනීමේ සිදුවීමක් හේතුවෙන් තමන්ට වැඩි ආරක්ෂාවක් අවශ්‍ය බව සෞඛ්‍ය සේවකයින් පවසනවා.

Read More »

මෙල්බර්න් සාප්පු සංකීර්ණයක් අසල වෙඩි තැබීමක්

මෙල්බර්න්හි සාප්පු සංකීර්ණයක් ආසන්නයේ සිදු වූ ගැටුමක් සහ වෙඩි තැබීමක් සම්බන්ධයෙන් වික්ටෝරියා පොලිසිය විශේෂ විමර්ශනයක් ආරම්භ කර තිබෙනවා.

Read More »