නව විශ්ලේෂණයකින් හෙළි වී ඇත්තේ නවසීලන්තය ලෝකයේ වෙනත් කිසිදු රටකට වඩා කොරොනා වයිරස් වසංගතය වඩාත් ඵලදායී ලෙස හසුරුවා ඇති බවයි.
ඕස්ට්‍රේලියාවේ ලෝවි ආයතනය විසින් මෙලෙස රටවල් 100 කට ආසන්න සංඛ්‍යාවක කොරෝනා වයිරසයට එරෙහිව ප්‍රතිචාර දැක්වීම පිළිබඳ දත්ත එකතු කර මෙම ශ්‍රේණි ගත කිරීම සිදු කොට ඇත.
පර්යේෂකයෝ සෑම රටකම වාර්තා වූ කොරෝනා ආසාදිතයින් ගණන, මරණ ප්‍රමාණය සහ දියත් කෙරුනු කොරෝනා පරීක්‍ෂණ ගණන පිළිබඳ දත්ත රැස් කර ඇත.
මෙම ශ්‍රේණි ගත කිරීම් වලට අනුව නවසීලන්තය පළමු ස්ථානයට පත්වූ අතර, වියට්නාමය, තායිවානය සහ තායිලන්තය පිළිවෙලින් දෙවන, තෙවන හා සිව්වන ස්ථාන වලට පත්විය.
ඕස්ට්‍රේලියාව ද ප්‍රබල ලෙස කොරෝනා වසංගතය හමුවේ ක්‍රියා කළ අතර ලෝවි ආයතනය විසින් ඕස්ට්‍රේලියාව අටවන ස්ථානයට නම් කර ඇති අතර ශ්‍රී ලංකාව 10 වන ස්ථානයට පත් ව ඇත.
අමෙරිකා එක්සත් ජනපදය මෙම ලැයිස්තුවේ පහතින් 94 වන ස්ථානයේ රැඳී සිටී. ඉන්දුනීසියාව සහ ඉන්දියාව පිළිවෙලින් අංක 85 සහ 86 යන ස්ථානවලට හිමිකම් කියයි.
මෙම ආයතනයේ Herve Lemahieu පැවසුවේ කුඩා රටවල් සාමාන්‍යයෙන් විශාල රටවලට වඩා කොරෝනා වසංගතය වඩා ඵලදායී ලෙස විසඳා ඇති බවයි.
සම්පූර්ණ ලැයිස්තුව: https://interactives.lowyinstitute.org/features/covid-performance/#region
