WhatsApp පණිවුඩයක් නිසා 22 හැවිරිදි තරුණයෙකුට මරණ දඬුවම

WhatsApp පණිවිඩ මගින් ආගමට අපහාස කිරීමේ චෝදනාව මත පකිස්ථානයේ 22 හැවිරිදි සිසුවෙකුට එරට අධිකරණයක් මරණ දඬුවම නියම කර තිබෙනවා.

පන්ජාබ් පළාතේ අධිකරණ වාර්තා පැවසුවේ මෙම සිසුවා මුස්ලිම්වරුන්ගේ ආගමික හැඟීම්වලට අපහාස කිරීමේ අරමුණින් අපහාසාත්මක පින්තූර සහ වීඩියෝ WhatsApp හරහා හුවමාරු කර ඇති බවයි.

එම නඩුවේදීම තවත් 17 හැවිරිදි තරුණයෙකුට ජීවිතාන්තය දක්වා සිර දඬුවම් නියම වී ඇති අතර මෙම දෙදෙනාම තමන්ට එල්ලවූ චෝදනා ප්‍රතික්ෂේප කර තිබෙනවා.

2022 වසරේදී ලාහෝර් හි ෆෙඩරල් විමර්ශන ඒජන්සියේ සයිබර් අපරාධ ඒකකය විසින් මෙම පැමිණිල්ල ගොනු කර තිබුණා.

නඩුවේ තීන්දුව ප්‍රකාශයට පත් කරමින් විනිසුරුවන් කියා සිටියේ මුහම්මද් නබි තුමන් සහ ඔහුගේ භාර්යාවන් පිළිබඳ අපහාසාත්මක වචන අඩංගු ඡායාරූප සහ වීඩියෝ සකස් කිරීම සම්බන්ධයෙන් තරුණයාට මරණ දඬුවම නියම කළ බවයි.

සිසුන් දෙදෙනා වැරදි නඩුවකට කොටු කර ඇති බවට විත්තියේ නීතිඥයින් තර්ක කළ අතර මරණ දණ්ඩනය නියම වූ සිසුවාගේ පියා පැවසුවේ තමන් මෙම තීන්දුවට එරෙහිව ලාහෝර් මහාධිකරණයට අභියාචනයක් ගොනු කරන බවයි.

අනෙක් සිසුවාට මරණ දඬුවම වෙනුවට ජීවිතාන්තය දක්වා සිරදඬුවම් නියම කර ඇත්තේ ඔහු බාලවයස්කාර අයෙකු වීම හේතුවන් බව අධිකරණය සඳහන් කර තිබෙනවා.

විදෙස් මාධ්‍ය වාර්තා පෙන්වා දෙන්නේ පාකිස්ථානයේ ආගමට අපහාස කිරීම මරණීය දණ්ඩනයට යටත් වන අතර එවැනි කටයුතුවල නිරත වූ ඇතැමුන් නඩු විභාග ආරම්භ වීමටත් පෙර ඝාතනය කර ඇති බවයි.

ආගමික අපහාසයට එරෙහි නීති ප්‍රථම වරට ඉන්දියාවේ සිටි බ්‍රිතාන්‍ය පාලකයන් විසින් කෙටුම්පත් කරන ලද අතර ඒවා 1980දී පකිස්ථානයේ හමුදා රජය යටතේ තවදුරටත් පුළුල් කෙරුණා.

රෝගී සැමියා අවසන් ගමන් යවන්න හැදූ බිරිඳට වැඩ වරදී

ඩිමෙන්ශියා රෝගයෙන් පෙළුණු තම සැමියා එන්නතක් ශරීර ගත කර ඝාතනයට තැත් කළ කාන්තාවක් පිළිබඳ පුවතක් බටහිර ඔස්ට්‍රේලියාවෙන් වාර්තා වනවා.

Read More »

තරුණයන්ට දුම් පානය කිරීමට නොහැකි වෙන නව නීතියක්

2009 වසරෙන් පසු උපත ලැබූ ඕනෑම අයෙකුට දුම්පානය තහනම් කිරීමට නීති සම්පාදනය කෙරෙන පනත් කෙටුම්පතට එක්සත් රාජධානියේ නීති සම්පාදකයින් සහාය දක්වා තිබෙනවා.

Read More »

අවුරුදු ගීතයක් විකෘති කළ රාජ්‍ය සේවකයෙක් අත්අඩංගුවට

ප්‍රවීණ ගායන ශිල්පී රෝහණ බැද්දගේ ශුරීන්ගේ අලුත් අවුරුදු ගීතයක් විකෘත කිරීමේ චෝදනා මත සුරාබදු නිලධාරියෙකු පොලිස් අත්අඩංගුවට ගෙන තිබෙනවා.

Read More »

තමාම නිර්මාණය කර ගත් සොහොන් බිමේ අවසන් ගමන් යන පාලිත තෙවරප්පෙරුම

අභාවප්‍රාප්ත හිටපු නියෝජ්‍ය අමාත්‍ය පාලිත තෙවරප්පෙරුමගේ දේහය පිළිබඳ අවසන් කටයුතු ලබන සෙනසුරාදා ඔහු විසින්ම නිර්මාණය කර ගත් සුසාන භූමියේදී සිදු කිරීමට නියමිත බව පවුලේ ඥාතීන් පවසනවා.

Read More »

කාන්තාවන්ගේ මූලික අවශ්‍යතාවයක් බදුවලින් නිදහස් කරන්නැයි ඉල්ලීම්

බ්‍රිතාන්‍ය කාන්තාවන්ගේ යට ඇඳුම් සහ සනීපාරක්ෂක තුවා සඳහා බදු මුදල් අය කිරීම සාධාරණ නොවන බවට සමාජ කතිකාවක් නිර්මාණය වී තිබෙනවා.

Read More »