පානීය ජලය සඳහා ලොව දෙවැනියට වැඩිම වටිනාකම ගෙවන රට බවට ඔස්ට්‍රේලියාව පත්වී තිබෙනවා.
සාමාන්‍යයෙන් වසරකදී මෙරට එක් පුද්ගලයෙකු බෝතල් කළ ජලය ලීටර් 504ක් පමණ පරිභෝජනය කරන අතර එහි වටිනාකම ඩොලර් 580කට ආසන්න බව මෑතකදී නිකුත් වූ වාර්තාවක සඳහන්.
එම අගය දෙවැනි වන්නේ සිංගප්පූරුවට පමණක් බවට ද තහවුරු වී තිබෙනවා.
ඔස්ට්‍රේලියාව තුළ පානීය ජලය සඳහා වන වියදම අමෙරිකාව සහ යුරෝපයට සාපේක්ෂව දෙගුණයකින් පමණ ඉහළ වන අතර ආසියාවේ සහ අප්‍රිකාවේ රටවල්වලට සාපේක්ෂව 04 ගුණයකින් පමණ ඉහළ බවට ද තක්සේරු කර ඇතැයි සඳහන්.
එමෙන්ම බෝතල් කළ පානීය ජලය නිපදවන රටවල් අතර 10 වන ස්ථානයට ඔස්ට්‍රේලියාව මේ වනවිට පත්වී තිබෙනවා.
ඒ අනුව එක්සත් ජාතින්ගේ සංවිධානය විසින් නිකුත් කළ නවතම වාර්තා අනුව පෙනී යන්නේ පානීය ජල බෝතල් සඳහා වැඩිම මුදල් වැය කරන ලොව දෙවන රට ඔස්ට්‍රේලියාව වන බවයි.
