බැරලට් ප්‍රදේශයේදී අතුරුදන් වූ සමන්තා මර්ෆිගේ සිද්ධියට අදාළව අත්අඩංගුවට ගෙන ඇත්තේ ඔස්ට්‍රේලියා පාපන්දු ලීගයේ හිටපු ක්‍රීඩකයෙකුගේ පුත්‍රයෙක් බවට පොලිසිය අනාවරණ කර තිබෙනවා.
හිටපු ක්‍රීඩකයාගේ පුත්‍රයාට අතුරුදහන් වූ තිදරු මව ඝාතනය කිරීමේ චෝදනාව එල්ලවී ඇති බවයි වාර්තා වන්නේ.
22 හැවිරිදි පැට්‍රික් ඔරන් ස්ටීවන්සන් අද බැලරට් මහේස්ත්‍රාත් අධිකරණයට ඉදිරිපත් කරනු ලැබුවා.
එහිදී ඔහුගේ අනන්‍යතාව ප්‍රකාශයට පත් කිරීම වළක්වාලමින් පනවා තිබූ අතුරු තහනම් නියෝගය ඉවත් කර තිබෙනවා.
පසුගිය පෙබරවාරි මස 4 වනදා සමන්තා මර්ෆි බැලරට් යුරේකා වීදියේ පිහිටි ඇගේ නිවසින් පිටත්ව ගොස් තිබුණේ ව්‍යායාම් සඳහායි.
ඉරිදා උදෑසන 7ට පිටත්ව ගිය ඇය සම්බන්ධයෙන් මෙතෙක් කිසිදු හෝඩුවාවක් සොයා ගැනීමට හැකිවී නැහැ.
හිටපු ක්‍රීඩකයාගේ පුත්‍රයා විසින් ස්ටෙෆන්සන් මවුන්ට් ක්ලියර්හිදී මර්ෆි ඝාතනය කළ බවටයි පොලිසිය චෝදනා කරන්නේ.
හිටපු ක්‍රීඩක ඔරෙන් ස්ටීපන්සන් ගේ පුත්‍රයා අතුරුදන් වූ මර්ෆි හෝ ඇයගේ පවුලේ සාමාජිකයන් නොහඳුනන බව ද හෙළිවී තිබෙනවා .
22 හැවිරිදි සැකකරු පසුගිය ඔහු බදාදා උදෑසන අත්අඩංගුවට ගෙන තිබුණේ බැලරට් සිට කිලෝමීටර් 16 ක් දුරින් පිහිටි නිවසකදීයි.
තවමත් සොයා ගැනීමට නොහැකි වූ මර්ෆිගේ දේහය සෙවීමට පොලිසිය විමර්ශන සිදු කරමින් පවතිනවා.
