ෆේස්බුක් බිඳ වැටීමෙන් මෙටා සමාගමට පැය දෙකක් තුළ කිසිවෙකුත් නොසිතූ මුදලක අලාභයක්

පසුගිය අඟහරුවාදා Facebook, Instagram සහ Messenger හදිසියේ බිඳ වැටීම හේතුවෙන් Meta සමාගමට සිදු වූ පාඩුව ඩොලර් මිලියන 100 ඉක්මවා ගොස් ඇතැයි අනාවරණ වී තිබෙනවා.

මෙටා සමාගමේ මෙම ගෝලීය ඇනහිටීම මූල්‍යමය වශයෙන් ඔවුන්ට දැඩි බලපෑම් සිදු වූ කරුණක් ලෙසටයි සැලකෙන්නේ.

අඟහරුවාදා ලොව පුරා Meta හි යෙදවුම් රැසක විශාල බිඳවැටීමක් සිදු වීම හමුවේ ෆේස්බුක්, ඉන්ස්ටග්‍රෑම් සහ මැසෙන්ජර් වැනි ජනප්‍රිය සමාජ මාධ්‍ය වේදිකා සියල්ල ක්‍රියා කිරීම නතර වුණා.

යථා තත්ත්වයට පත් වීමට පැය කිහිපයක් ගත වූ මෙම ගැටලුව හමුවේ බිලියන ගණනක් පරිශීලකයින් අපහසුතාවට පත්වුවා පමණක් නොව විශේෂඥයින්ට අනුව සමාගමට විශාල මූල්‍ය බලපෑමක් ඇති කර තිබෙනවා.

වාර්තා වී ඇති ආකාරයට මෙම බිඳ වැටීම හේතුවෙන් Meta සමාගමේ කොටස් මිල 1.6% කින් පහත වැටී ඇති බවටයි අනාවරණ වී ඇත්තේ.

මෙටා හි සන්නිවේදන ප්‍රධානි ඇන්ඩි ස්ටෝන් ප්‍රකාශ කර තිබුණේ හැකි ඉක්මනින් ගැටලුව විසඳා ඇති අතර, යම් අපහසුතාවයක් සිදු වූයේ නම් ඒ සඳහා සමාව අයදින බවයි.

අඟහරුවාදා මෙම බිඳ වැටීමේ ප්‍රතිඵලයක් ලෙස Mark Zuckerbergට ඩොලර් මිලියන 100ක ආදායමක් අහිමි වූ බව මේ වන විට හෙළිවී තිබෙනවා.

Meta සතු සියලුම සමාජ මාධ්‍ය වේදිකා 2021 වසරේදී ද මෙවැනි තාක්ෂණික දෝෂයකට මුහුණ දුන් අතර, එහි ප්‍රතිඵලයක් ලෙස පැය 7ක විසන්ධි වීමක් සිදුවී තිබුණා.

කෙසේ වෙතත්, මෙවර පැය 2 ක් තුළ ගැටළුව විසඳීමට ඔවුන්ගේ තාක්ෂණික කණ්ඩායම් සමත් වී තිබෙනවා.

හිටපු ඔස්ට්‍රේලියානු ටෙස්ට් ක්‍රිකට් ක්‍රීඩකයෙක් රක්ෂිත බන්ධනාගාරයට

හිටපු ඔස්ට්‍රේලියානු ටෙස්ට් ක්‍රිකට් ක්‍රීඩක මයිකල් ස්ලේටර් ගෘහස්ත හිංසනයට අදාළ වැරදි කිහිපයක් සම්බන්ධයෙන් වූ චෝදනා මත පොලිස් අත්අඩංගුවට ගෙන තිබෙනවා.

Read More »

රුධිරය පරිත්‍යාග කරන්නැයි ඔස්ට්‍රේලියානුවන්ගෙන් ඉල්ලීමක්

බොන්ඩායි ජන්ෂන්හි සිදු වූ පිහි ඇනුම හේතුවෙන් රුධිරය පරිත්‍යාග කරන ලෙස ඔස්ට්‍රේලියානු රතු කුරුස සංවිධානය විසින් ඉල්ලීමක් ඉදිරිපත්ති කර තිබෙනවා.

Read More »

අතුරුදන් වෙන්න යන දූපත් සමූහයක් රැක ගන්න ඔස්ට්‍රේලියානු ඉංජිනේරුවෙක් පෙරට එයි

ඔස්ට්‍රේලියාව සහ හවායි අතර පිහිටි කුඩා දූපත් නවයකින් සැදුම්ලත් ටුවාලු රාජ්‍ය වසර 50ක් ඇතුළත අතුරුදහන් වනු ඇතැයි පුරෝකථනය කර තිබෙනවා.

Read More »

මෙල්බන් ඇතුලු ප්‍රධාන නගර රැසක ආරක්ෂාව දැඩි කරයි

පලස්තීන හිතවාදී විරෝධතාකරුවන් අද ඔස්ට්‍රේලියානු නගර රැසක් අවහිර කරමින් විරෝධතා ව්‍යාපාරයක් සිදු කිරීමේ සැලසුමක් සම්බන්ධයෙන් තොරතුරු ලැබී ඇතැයි පොලිසිය පවසනවා.

Read More »