වික්ටෝරියා ප්‍රාන්තයේ ප්‍රාථමික රජයේ පාසැල් තුළ සිදු කළ විමර්ශනයකින් පසු ළමා ලිංගික අපයෝජන සිදුවීම් රැසකට සම්බන්ධ පාසැල් ගුරුවරයෙකු අත්අඩංගුවට ගෙන තිබෙනවා.
මෙම ගුරුවරයා ළමා අපචාර සිදුවීම් 60කට පමණ සම්බන්ධ පුද්ගලයෙකු බවයි විමර්ශණවලදී හඳුනාගෙන ඇත්තේ.
සැකකරා ගුරුවරයා වික්ටෝරියා ප්‍රාන්තයේ රජයේ පාසැල්වල ළමා ලිංගික අධ්‍යාපන විෂය උගන්වනු ලබන ගුරුවරයෙකු බව ද සඳහන්.
විමර්ශන මණ්ඩලයක් විසින් මෙම පරීක්ෂණය සිදු කර ඇති අතර සැකකාර ගුරුවරයාට සමාජය ඉදිරියේ සමාව ඉල්ලා සිටීමට ද නියෝග කර තිබෙනවා.
වික්ටෝරියා ප්‍රාන්තයේ ප්‍රාථමික පාසැල්වල ළමා ලිංගික අපයෝජන සම්බන්ධ සිදුවීම් පාසැල් 23කින් හමුවු බවයි වාර්තා වන්නේ.
මේ සම්බන්ධ විමර්ශණ පසුගිය මාසයේදී අවසන් වූ අතර එහි වාර්තාවක් එළඹෙන පාර්ලිමේන්තුවාරයේ දී පාර්ලිමේන්තුවට ඉදිරිපත් කරන බව විමර්ශන මණ්ඩලය පවසනවා.
එම වාර්තාවට නිර්දේශ 9ක් ඇතුලත් වන අතර අපයෝජන සිදුවීම්වලට සම්බන්ධ ගුරුවරුන් අගතියට පත් දරුවන්ගේ දෙමාපියන් සමග එක්ව පාසැල් පරිශ්‍රයේ ස්මාරකයක් ඉදි කළ යුතු එම නිර්දේශවලට අයත්.
ලිංගික අපයෝජනයන්ට සම්බන්ධ වැරදිකරුවන් සඳහා මෙවැනි නිර්දේශයක් ලබාදුන් පළමු අවස්ථාව මෙය වන අතර සැකකාර ගුරුවරුන්ට එරෙහිව නීතිය තදින්ම ක්‍රියාත්මක කළ යුතු බවට ද නිර්දේශ ඇතුලත් කර තිබෙනවා.
