ස්වදේශ කටයුතු දෙපාර්තමේන්තුවෙන් විශේෂ දැනුම්දීමක්

ස්වදේශ කටයුතු දෙපාර්තමේන්තුවේ නිලධාරීන් ලෙස පෙනී සිටින වංචනික පුද්ගලයින් පිළිබද දැනුවත් වන්නැයි එම දෙපාර්තමේන්තුව ජනතාවට අනතුරු ඇඟවීමක් කර තිබෙනවා.

පුද්ගලික දත්ත යාවත්කාලීන කිරීමේ මුවාවෙන් යම් වංචනික කණ්ඩායමක් විසින් ජනතාවගේ පෞද්ගලික තොරතුරු ලබා ගැනීමේ නිරත වන වට පැමිණිලි රැසක් මේ දිනවල ලැබී ඇති බව සඳහන්.

ස්වදේශ කටයුතු දෙපාර්තමේන්තුවේ කාර්යමණ්ඩල නිලධාරින් යැයි පවසා ක්‍රෙඩිට් කාඩ් තොරතුරු හෝ බැංකු විස්තර, ඉමි එකවුන්ට්වල (ImmiAccount) පාස්වර්ඩ් මෙලෙස ඉල්ලා ඇති බවයි වාර්තා වන්නේ.

ඊට අමතරව පුද්ගලයින් තම එදිනෙදා දුරකතන ගෙවීම් මෙන්ම ඒ හා සම්බන්ධ තොරතුරු ද ඉල්ලා ඇති බව සඳහන්.

ස්වදේශ කටයුතු දෙපාර්තමේන්තුව දන්වා ඇත්තේ දෙපාර්තමේන්තුව හරහා තොරතුරු ලබා ගැනීමේදී තම කාර්ය මණ්ඩලය ඕනෑම තොරතුරක් විමසීමට පෙර සෑම විටම තමන්ව හඳුන්වා දී සාකච්ජාව ආරම්භ කරන බවයි.

එලෙස සම්බන්ධ වන නිලධාරීන් සැමවිටම අදාළ අනන්‍යතා තොරතුරු සමග සම්බන්ධ වන අතර ලිපිගොනු අංකය හෝ වීසා ඉල්ලුම්පත්‍ර ඉදිරිපත් කළ දිනය වැනි දේ තහවුරු කරන ලෙස ඉල්ලා සිටීමේ අයිතිය ඔවුන්ට පවතිනවා.

අනන්‍යතාව පිළිබඳ නිවැරදි තොරතුරු ලබා දීමට අසමත් සෑම පුද්ගලයෙකු පිළිබඳ අවධානයෙන් පසුවීම වැදගත් වන අතර දෙපාර්තමේන්තුවේ නම සඳහන් කල පමණින් පෞද්ගලික තොරතුරු කිසිවක් ලබා නොදෙන්නැයි ජනතාවට දැනුම් දී තිබෙනවා.

එසේ ලැබෙන ඇමතුම් හෝ වංචනික පුද්ගලයින් සම්බන්ධ තොරතුරු (Scamwatch.gov.au) හරහා ජාතික වංචා-විරෝධී මධ්‍යස්ථානයට වාර්තා කරන ලෙසද වැඩිදුරටත් දැනුම් දෙනවා.

ලාංකිකයන්ට ඔස්ට්‍රේලියා යන්න අවස්ථාවක් අරගෙන ඔස්ට්‍රේලියාවේ සංක්‍රමණික නියෝජිතවරු සහ නීතිඥවරු ශ්‍රී ලංකාවට

ඔස්ට්‍රේලියාවේ රැකියාවක් මෙන්ම අධ්‍යාපනය පිළිබඳ බලාපොරොත්තුවෙන් පසුවන ශ්‍රී ලාංකික තාරුණ්‍යයේ සිහින ඉටු කෙරෙන “Aus Lanka TV Education Migration Expo 2024” වැඩසටහන ලබන මැයි මස 4 වන සෙනසුරාදා පැවැත්වීමට සියලු කටයුතු සූදානම් කර තිබෙනවා.

Read More »

ජීවිත 7ක් අහිමි කළ මෝටර් රථ ධාවන තරගාවලියේ දෙදෙනෙක් අත්අඩංගුවේ

දියතලාව ෆොක්ස් හිල් සුපර්ක්‍රොස් ධාවන තරගයේදී සිදු වූ අනතුරට අදාළව රියදුරන් දෙදෙනෙකු පොලිසිය විසින් අත්අඩංගුවට ගෙන තිබෙනවා.

Read More »

ඊශ්‍රායලයේ අමානුෂික ප්‍රහාරයක් ගැන ජාත්‍යන්තර අවධානය

දකුණු ගාසා තීරයේ රෆා නගරයට ඊශ්‍රායලය එල්ල කළ ප්‍රහාරවලින් කුඩා ළමයින් 18 දෙනෙකු ඇතුලු පුද්ගලයින් 22ක් ජීවිතක්ෂයට පත්වී තිබෙනවා.

Read More »