ෆේස්බුක් හදිසියේ බිඳවැටීමට හේතුව මෙටා සමාගම කියයි

මෙටා සමාගමට අයත් ෆේස්බුක්, ඉන්ස්ටග්‍රෑම්, මැසෙන්ජර් ඇතුළු සේවාවල හදිසි බිඳවැටීමට හේතුව තාක්ෂණික ගැටලුවක් බව එම සමාගම පවසනවා.

ඊයේ රාත්‍රි සිදු වූ මෙම හදිසි බිඳ වැටීමත් සමග ෆේස්බුක් පරිශීලකයන්ට තම ගිණුම් වෙත ප්‍රවේශ වීමට නොහැකි වී තිබුණා.

එහෙත් මෙටා සමාගමට අයත් WhatsApp සාමාන්‍ය පරිදි ක්‍රියාත්මක වෙමින් පැවතුණා.

කෙසේවෙතත් පැය කිහිපයක් ඇතුලත එය යථා තත්වයට පත් කිරීමටයි මෙටා සමාගමේ තාක්ෂණික කණ්ඩායම් පියවර ගෙන තිබුණේ.

මෙටා සමාගමේ ප්‍රධාන සන්නිවේදන ප්‍රධානියා වන ඇන්ඩි ස්ටෝන් ට්විටර් සටහනක් තබමින් ප්‍රකාශ කර තිබුණේ හැකි ඉක්මනින් ගැටලුව විසඳු අතර යම් අපහසුතාවයක් සිදුවූයේ නම් ඒ සඳහා සමාව ඉල්ලා සිටින බවයි.

එක්සත් ජනපද සයිබර් ආරක්‍ෂාව සහ යටිතල පහසුකම් ආරක්‍ෂක ඒජන්සියේ ජ්‍යෙෂ්ඨ නිලධාරියෙක් පැවසුවේ මෙම සිදුවීම පිටුපස මැතිවරණ සම්බන්ධතාවයක් හෝ සයිබර් ක්‍රියාකාරකම් සම්බන්ධයක් පිළිබඳව තොරතුරක් නොමැති බවයි.

2021 වසරේදී ෆේස්බුක්, ඉන්ස්ටග්‍රෑම් සහ වට්ස්ඇප් පැය ගණනක් ක්‍රියා විරහිත වූ අතර, සමාගම පැවසුවේ, එහි දත්ත මධ්‍යස්ථාන අතර ජාල ගමනාගමනය සම්බන්ධීකරණය කරන රවුටරවල දෝෂවල ප්‍රතිඵලයක් මත එය සිදු වූ බවයි.

2022 වසරේ දී ද WhatsApp හි කෙටි ඇනහිටීමක් සිදු වී තිබුණා.

ඔස්ට්‍රේලියාවේ පුරප්පාඩු පිරවීමට ගුරු උපාධි අපේක්ෂකයින්ට ඩොලර් 40000ක ශිෂ්‍යත්ව

රට පුරා පවතින ගුරු පුරප්පාඩු පිරවීමේ අරමුණින් ගුරු උපාධි අපේක්ෂකයින් සදහා ඩොලර් 40000ක ශිෂ්‍යත්ව ලබා දීමට ෆෙඩරල් රජය පියවර ගෙන තිබෙනවා.

Read More »

ඔස්ට්‍රේලියාවේ ඉල්ලීමක් ට්විටර් ප්‍රතික්ෂේප කරයි

සිඩ්නි දේවස්ථානයකදී සිදු වූ පිහි ඇනුම සම්බන්ධ වීඩියෝ සමාජ මාධ්‍ය ඔස්සේ හුවමාරු විම වැළැක්වීමට කටයුතු කරන ලෙසට බලධාරීන් ට්විටර් ඇතුලු සමාජ මාධ්‍ය ප්‍රධානීන්ගෙන් ඔස්ට්‍රේලියා ඊ සේෆ්ටි කොමසාරිස්වරයා ඉල්ලීමක් කර තිබෙනවා.

Read More »

රෝගියෙකුට කොවිඩ් ආසාදිතව සිටි දීර්ඝතම කාලය වාර්තා වෙයි

කොවිඩ් වෛරසය ආසාධනය වී දින 613ක්, එනම් වසරකුත් මාස 8ක පමණ කාලයක් ගතවී ඇතත් සුවය නොලැබූ පුද්ගලයෙක් පිළිබඳ නෙදර්ලන්තයෙන් වාර්තාවී තිබෙනවා.

Read More »

ඊශ්‍රායලයට උපරිම මට්ටමින් ප්‍රතිචාර දක්වන්න ඉරානයෙන් සැලසුම්

ගැටුම් නතර කර සන්සුන් වන ලෙසට ලෝකයම ඉල්ලා සිටින අවස්ථාවක ඊශ්‍රායලය ඊට එරෙහිව ක්‍රියා කළහොත් තම උපරිම මට්ටමින් ප්‍රතිචාර දක්වන බව ඉරානය අවධාරණය කරනවා.

Read More »

සිඩ්නි පිහි ඇනුමෙන් බලපෑමට ලක්වූවන්ට රජයෙන් සහන පැකේජයක්

බොන්ඩායි ජන්ෂන් හි වෙස්ට්ෆීල්ඩ් වෙළඳ සංකීර්ණයේ ඛේදවාචකයෙන් බලපෑමට ලක් වූ කම්කරුවන් සහ ව්‍යාපාර සඳහා නිව් සවුත්වේල්ස් ප්‍රාන්ත රජය ආධාරක පැකේජයක් ප්‍රකාශයට පත් කර තිබෙනවා.

Read More »