ජීවන වියදම් අර්බුදය හමුවේ ඔස්ට්රේලියානුවන් විශාල පිරිසක් තම ප්රධාන ආහාර වේල් මගහරින බව අනාවරණ වී තිබෙනවා.
ඔවුන් ෆුඩ් බෑන්ක් වෙත ලියාපදිංචි වී එමගින් ආහාර ලබා ගැනීමේ ප්රවණතාවක් දක්නට ලැබෙන බවයි නවතම සමීක්ෂණවලින් අනාවරණ වි ඇත්තේ.
නිවාස කුලී ගෙවීමට, විදුලි බිල්පත් ගෙවීමට මෙන්ම තම සුරතල් සතුන්ගේ ආහාර මිලදී ගැනීමට සිදු වීම හේතුවෙන් ඇතැම් ඔස්ට්රේලියානුවන් දිනයක් ගෙවා ගනු ලබන්නේ කෝපි හෝ පාන් වැනි දෙයක් ආහාරයට ගෙන කුසගින්නේ බව සඳහන්.
මේ සම්බන්ධයෙන් ජීවන වියදම පිළිබඳ සෙනෙට් කමිටුවක් පරීක්ෂණයක් සිදු කළ අතර එහිදී හෙළිවී ඇත්තේ මූලික අවශ්යතා සපුරාලීම මෙන්ම තම ආදරණීයයන්ට ආහාර ගැනීමට හැකි බව සහතික කර ගැනීම සඳහා විශාල පිරිසක් ආහාර නොමැතිව සිටින බවයි.
ඔස්ට්රේලියාව පුරා මෙම තත්වය වර්ධනය වෙමින් පවතින බැවින් විශේෂඥයින් පෙන්වා දෙන්නේ ආහාර අනාරක්ෂිතතා ගැටලුවක අවදානමක් මතුවෙමින් ඇති බවයි.
ඔස්ට්රේලියාව පුරා ආහාර අනාරක්ෂිත භාවයට මූලික හේතුව හදිසි අනපේක්ෂිත වියදම් හෝ විවිධ බිල් හමුවේ එදිනෙදා වියදම් දැරීමට අපහසු වීම බවයි ජාතික ආහාර සහන සංවිධානයක් වන ෆුඩ් බෑන්ක් පැවසුවේ.
Foodbank හි ප්රධාන විධායක බ්රියානා කේසි පවසන්නේ තම සංවිධානය ආහාර සහන සොයන පුද්ගලයින්ගේ සැලකිය යුතු වෙනසක් දකින බවයි.
