එකම ලොතරැයි අංකවලින් වසර 20ක් තරග කර වාර්තාගත ජයක් ලැබූ කාන්තාව

වසර 20ක පමණ කාලයක් පුරා එකම ලොතරැයි අංක භාවිතයෙන් තරග කළ ක්වීන්ස්ලන්ඩ් ප්‍රාන්තයේ කාන්තාවක් ඩොලර් 400,000ක ජයග්‍රහණයක් ලබාගෙන තිබෙනවා.

නුදුරේදීම ඇය සිය සේවා ස්ථානයේ රාජකාරීවලින් විශ්‍රාම යාමට ද නියමිතව සිටින අතර මෙම විශාල මුදල් ජයග්‍රහණයත් සමග විශ්‍රාම දිවිය සුවසේ ගත කිරීමට හැකිවනු ඇති බවයි සඳහන් කර ඇත්තේ.

ටවුන්ස්විල් ප්‍රදේශයට උතුරින් පිහිටි කුඩා නගරයක් වන ෆොරස්ට් බීච්හි පදිංචි වාසනාවන්ත ජයග්‍රාහිකාව සෙනසුරාදා පැවති ගෝල්ඩ් ලොටෝ දිනුම් ඇදීම තුළින් මෙම ජයග්‍රහණය හිමි කර ගෙන තිබෙනවා.

තමා මෙතෙක් කළක් භාවිත කළ අංක අවසානයේ ජයග්‍රහණය කර ඇති බව විශ්වාස කළ නොහැකි වූ බවයි ඇය සඳහන් කළේ.

ජයග්‍රහණය ලැබුණු දිනයේ සිට එය අදහා ගත නොහැකිව තමා සහ දියණිය කඳුළු සලමින් සිටින බව ඔවුන් ප්‍රකාශ කළා.

මෙම මුදල් තම විශ්‍රාම දිවිය ගත කිරීම සඳහා ඇදහිය නොහැකි තරම් පහසු වනු ඇති අතර එමගින් දරුවන්ට තවත් උපකාර කළ හැකි බව ඇය සඳහන් කර තිබෙනවා.

මෙම කාන්තාවගේ ජයග්‍රාහී ලොතරැයියේ තිබූ අංක වී ඇත්තේ 19, 15, 18, 30, 5 සහ 8යි.

ධාවනයෙන් දස්කම් දැක්වූ උසේන් බෝල්ට් ක්‍රිකට්වලටත් එයි

ජාත්‍යන්තර ක්‍රිකට් කවුන්සිලය විසින් ඔලිම්පික් ධාවන ශුරයෙකු වන උසේන් බෝල්ට් ලබන ජුනි මස පළමුවනදා සිට 29 වනදා දක්වා පැවැත්වීමට නියමිත විස්සයි20 ලෝක කුසලානයේ තානාපති ලෙස ප්‍රකාශයට පත් කර තිබෙනවා.

Read More »

සිඩ්නි ත්‍රස්ත මර්දන වැටලීමකින් බාල වයස්කරුවන් පිරිසක් අත්අඩංගුවට

සිඩ්නි සහ ගෝල්බර්න් හි සිදු කළ ත්‍රස්ත මර්දන වැටලීම්වලින් බාල වයස්කරුවන් පස් දෙනෙකු අත්අඩංගුවට ගෙන තිබෙනවා.

Read More »

මෙල්බන් කාන්තාවන්ගේ ආත්මාරක්ෂාවට ෆෙඩරල් රජයෙන් ඉල්ලීමක්

වික්ටෝරියා ප්‍රාන්තයේ කාන්තාවන්ට ආරක්ෂාව සඳහා ගම්මිරිස් ඉසින රැගෙන යාමට අවසර ලබා දෙන ලෙස ඉල්ලා ෆෙඩරල් රජයට ලැබෙන ඇමතුම් වැඩි වී තිබෙනවා.

Read More »