පොලිස් නිලධාරීන්ගේ ගිනි අවි GPS තාක්ෂණයෙන් සන්නද්ධ කරන්න යයි

සිඩ්නි නුවරදී තරුණයන් දෙදෙනෙකු ඝාතනය කිරීමේ සිද්ධියෙන් පසු පොලිස් නිලධාරීන්ගේ ගිනි අවි සඳහා GPS සවි කරන ලෙස ඉල්ලීමක් ඉදිරිපත් වී තිබෙනවා.

එම ඝාතනයට සේවයේ නියුතු ජ්‍යෙෂ්ඨ කොස්තාපල්වරයෙකුට චෝදනා එල්ල වීමෙන් පසුවයි පොලිසියට නිකුත් කරන ආයුධවලට GPS සවි කරන ලෙස පොලිස් නිලධාරියෙක් ඉල්ලා ඇත්තේ.

සැකකාර පොලිස් නිලධාරියා පසුගිය පෙබරවාරි 19 වනදා පැඩින්ටන්හි නිවසකදී පොලිසිය විසින් නිකුත් කරන ලද පිස්තෝලයකින් ලූක් ඩේවිස් සහ ජෙසී බෙයාඩ් වෙඩි තබා ඝාතනය කිරීම සම්බන්ධයෙන් චෝදනා එල්ල වී තිබෙනවා.

එම සිදුවීමට දින කිහිපයකට පෙර මිරැන්ඩා පොලිස් ස්ථානයෙන් ලබා දුන් එම අවිය සැකකාර ලැමරේ-කොන්ඩන් නම් නිලධාරියා සන්තකයේ තබාගෙන සිටි බව නිව් සවුත්වෙලස් පොලිසියේ කිසිවකු දැන නොසිටි බව සඳහන්.

මේ අනුව සාමාන්‍ය ප්‍රජාව තුළ සිටින සන්නද්ධ නිලධාරීන් සොයා ගත හැකිවන පරිදි පොලිසිය විසින් නිකුත් කරන ලද ආයුධ සඳහා GPS සවි කළ යුතු බවට ඉල්ලීමක් ඉදිරිපත්ව තිබෙනවා.

මේ අතර සිඩ්නි නුවර මාර්ඩ් ග්‍රාස් පෙළපාලියේ දී මියගිය තරුණ යුවළ වෙනුවෙන් විනාඩියක නිශ්ශබ්දතාවයක් ද පැවැත් වූ අතර එහිදී ඩේවිස් සහ බෙයාර්ඩ් හට සංවේදී උපහාරයක් ද පුද කර තිබුණා.

වාර්ෂික පෙළපාලිය සඳහා මෙවර පොලිසියට ආරාධනාවක් නොලැබුණු ද සාකච්ඡාවලින් පසුව සිවිල් ඇඳුමින් නිලධාරීන් සුළු පිරිසකට සහභාගී වීමට අවසර ලැබී තිබුණා.

ඔවුන් අතර ප්‍රාන්තයේ පොලිස් කොමසාරිස් කැරන් වෙබ් ද සිටි අතර මෙවැනි දුෂ්කර සතියකින් පසු ඊට එක්වීම සතුටක් බවයි ඇය සඳහන් කළේ.

ඔස්ට්‍රේලියාවේ ජාත්‍යන්තර කේක් නිර්මාණ තරගයකින් ශ්‍රී ලාංකිකයෙකුට රන් පදක්කම

ඔස්ට්‍රේලියාවේ පැවති ජාත්‍යන්තර කේක් තරඟාවලියකින් ප්‍රථම ස්ථානය දිනා ගැනීමට ඔස්ට්‍රේලියාවේ වෙසෙන ශ්‍රී ලාංකික ඉංජිනේරුවරියක් වන නිෂා පොල්හේන සමත්ව තිබෙනවා.

Read More »

ඔස්ට්‍රේලියාවේ ඩිජිටල් රියදුරු බලපත්‍රයෙන් වංචාවක්

ඔස්ට්‍රේලියාවේ ඩිජිටල් රියදුරු බලපත්‍ර සාමාන්‍යකරණය වෙමින් පවතින අතර ඊට සමගාමීව වංචනික ක්‍රියා ද ඉහළ ගොස් ඇති බව හෙළි වනවා.

Read More »

ත්‍රස්ත ක්‍රියාවක් බව කියන දේවස්ථානයේ පිහි ඇනුමට අවුරුදු 15ක ළමයෙක් අත්අඩංගුවේ

බටහිර සිඩ්නිහි පිහිටි ඕතඩොක්ස් ක්‍රිස්තියානි දේවස්ථානයකදී බිෂොප්වරයෙකුට සහ පුජකවරයෙකුට පිහියෙන් ඇනිමේ සිදුවීම සම්බන්ධයෙන් 15 හැවිරිදි පිරිමි ළමයෙකු අත්අඩංගුවට ගෙන තිබෙනවා.

Read More »

සිඩ්නි සාප්පු මධ්‍යස්ථානයේ සැකකරු මෙල්ල කළ අයෙකුට ඔස්ට්‍රේලියානු පුරවැසිභාවය හිමිවෙයි

බොන්ඩායි ජන්ෂන් හි සාප්පු මධ්‍යස්ථානයේ පිහි ඇනුමට පැමිණි සැකකරු මෙල්ල කර ගැනීමට ඔහු සමග සටන් කළ ප්‍රංශ ජාතික තරුණයාට ඔස්ට්‍රේලියානු පුරවැසිභාවය ලබාදීමට අග්‍රාමාත්‍ය ඇන්තනි ඇල්බනීස් පියවර ගෙන තිබෙනවා.

Read More »