කොව්ඩ් එන්නත් ලබා නොගැනීම නිසා සේවයෙන් ඉවත් කළ පිරිසට හොඳ අවස්ථාවක්

කොවිඩ් එන්නත් ලබා ගැනීමට අකමැති වීම හේතුවෙන් සෞඛ්‍ය සේවයෙන් ඉවත් කරනු ලැබූ කම්කරුවන් නැවත එම සේවා සඳහා සම්බන්ධ කර ගැනීම වළක්වන නියෝගයක් නිකුත් කර ඇතැයි පැවසෙන ප්‍රකාශ ක්වීන්ස්ලන්ඩ් ප්‍රාන්ත සෞඛ්‍ය ඇමතිවරයා ප්‍රතික්ෂේප කර තිබෙනවා.

එන්නත් කිරීමට අකමැති සේවකයින්ට නැවත ආයතනවලට සම්බන්ධ වීම වැළැක්වීම වෙනුවෙන් සෞඛ්‍ය දෙපාර්තමේන්තුව හරහා නියෝගයක් නිකුත් කර ඇති බවට වන ප්‍රකාශ සෞඛ්‍ය අමාත්‍ය ෂැනන් ෆෙන්ටිමන් ප්‍රතික්ෂේප කර ඇති බවයි සඳහන් වන්නේ.

සියලු සේවකයන් කොවිඩි එන්නත් ලබාගෙන සිටිය යුතු බවට වූ නියෝග පසුගිය 2023 වසරේ සැප්තැම්බර් මාසයේදී අවසන් වී තිබෙනවා.

ඒ හේතුවෙන් අදාළ නියෝගයන්ට අනුකූල නොවීම හේතුවෙන් සේවයෙන් පහ කරන ලද හෝ ඉල්ලා අස් වූ 1200ක් පමණ සේවකයින්ට සේවා සඳහා නැවත අයදුම් කිරීමට හැකි වනු ඇති.

එන්නත් ලබාගෙන තිබිය යුතු බවට වන නියෝග ඉවත් කර තිබියදීත් ඇතැම් කම්කරුවන්ට වෙනත් රැකියාවක් සඳහා ඉල්ලුම් කළ නොහැකි බව දන්වා ඇති විද්‍යුත් තැපැල් පණිවුඩයක් හේතුවෙනුයි මෙම කතා බහ මතු වී ඇත්තේ.

ක්වීන්ස්ලන්ඩ් ප්‍රාන්ත සෞඛ්‍ය ඇමතිවරයා සඳහන් කළේ එවැනි කිසිදු නියෝගයක් නොමැති අතර සේවයෙන් ඉවත් වූ පුද්ගලයන්ට යළි පැමිණීමට කිසිදු බාධකයක් නොමැති බවයි.

සෞඛ්‍ය සීමා ඉවත් කිරීමෙන් පසු සේවයෙන් පහ කරන ලද හෝ ඉල්ලා අස් වූ කම්කරුවන් 40ක පමණ සංඛ්‍යාවක් ක්වීන්ස්ලන්ඩ් ප්‍රාන්තයේ සෞඛ්‍ය සේවයට යළි පැමිණ තිබෙනවා.

Today’s Topstories 2024.04.23

ඉලොන් මස්ක්ගේ ප්‍රතිචාරය ගැන අගමැතිගෙන් චෝදනා උණ ආසාදිතයන් ඉහළ යාම හමුවේ එන්නත් ලබා ගන්නැයි දැනුම්දීමක් සිඩ්නි විශ්ව විද්‍යාලයෙන් ජාත්‍යන්තර සිසුන්ට ශිෂ්‍යත්ව Woolworths කාර්ය මණ්ඩලයේ ආරක්ෂාවට ඇඳුමට කැමරාවක්   ශ්‍රී ලංකන් එයාර් ලයින්ස් මිලදී ගන්න ධම්මික පෙරේරාත් සූදානමින්

Read More »

චමරි අතපත්තු නැවතත් අංක එකට

ජාත්‍යන්තර ක්‍රිකට් කවුන්සිලයේ නවතම එක්දින ජාත්‍යන්තර පිතිකරණ ශ්‍රේණිගත කිරීම අනුව ශ්‍රී ලංකා කාන්තා ක්‍රිකට් නායිකා චමරි අතපත්තු පළමු ස්ථානයට පත්ව තිබෙනවා.

Read More »

ගිරවුන් වෙළඳාමට නතර කරන්න කැන්බරා විද්‍යාඥයින්ගෙන් නව වැඩසටහනක්

කැන්බරා සහ එක්සත් රාජධානියේ විද්‍යාඥයින් පිරිසක් එක්ව ගිරවුන් ජාවාරම් කිරීම වැළක්වීම සඳහා DNA තාක්ෂණය භාවිත කරමින් නව වැඩසටහනක් ආරම්භ කර තිබෙනවා.

Read More »

සමාජ මාධ්‍යයෙන් අසත්‍ය තොරතුරු ව්‍යාප්ත කරන අයට වැඩ වරදී

සමාජ මාධ්‍ය ඔස්සේ අසත්‍ය තොරතුරු ව්‍යාප්ත කරන්නන්ට එරෙහිව නීතිමය පියවර ගැනීමට සුදානම් බව ෆෙඩරල් රජය නිවේදනය කර තිබෙනවා.

Read More »

වල් ඌරන් නිසා නිව් සවුත්වේල්ස් ප්‍රාන්තයේ ගැටලුවක්

නිව් සවුත්වේල්ස් ප්‍රාන්තයේ වල් ඌරු ගහනය ඉහල යාම හේතුවෙන් එය පාලනය කිරීම සඳහා වැඩි වශයෙන් අරමුදල් යොදවන ලෙසට ගොවීන් ඉල්ලා ඇතැයි වාර්තා වනවා.

Read More »