ඔස්ට්‍රේලියාවේ හොඳම වැනිලා කේක් නිෂ්පාදනයට හිමි සම්මානය දෙවන වරටත් වික්ටෝරියා ප්‍රාන්තයේ බේකරියක් විසින් හිමිකර ගෙන තිබෙනවා.
පසුගියදා පැවති බේකින් ෂෝ තරගාවලියේ දී නෝර්ත් එන්ඩ් බේක් හවුස් සමාගම විසිනුයි මෙම සම්මානය දිනාගෙන ඇත්තේ.
එම තරගාවලියේදී සම්මාන දෙකකින් මෙම බේකරිය පිදුම් ලැබූ අතර ඔස්ට්‍රේලියාවේ හොඳම හොට් ක්‍රොස් බනිස් සම්මානය ද තුන්වන වරටත් එම බේකරිය විසින් හිමිකර ගෙන තිබෙනවා.
නෝර්ත් එන්ඩ් බේක්හවුස් හිමිකරු මැට් අයිලට් පැවසුවේ අඛණ්ඩව හොඳම වැනිලා කේක් නිෂ්පාදනයට හිමි සම්මානය ලබාගැනීම හැකිවීම තම බේකරියේ හැකියාව පෙන්නුම් කරන බවයි.
මෙම වැනිලා කේක් නිෂ්පාදනය වෙනත් කේක් වට්ටෝරු සමඟ මිශ්‍රණය නොකර එකම ප්‍රමිතිය පවත්වාගෙන යෑම තම ජයග්‍රහණයට හේතු බව ද හිමිකරු ප්‍රකාශ කළා.
ප්‍රාන්ත හතරකින් බේකරි 120ක් තරඟයට තම නිෂ්පාදන ඉදිරිපත් කර තිබු අතර ඔස්ට්‍රේකියාවේ ප්‍රමුඛ පෙලේ බේකරි සමාගම් අභිබවා කුඩා බේකරියක් මෙලෙස ජයගැනීම කාගේත් අවදානයට යොමුව තිබුණා.
