පැපුවා නිව්ගිනි රාජ්‍යයේදී පැහැරගත් ඔස්ට්‍රේලියා ගුවන් නියමුවාට සිදු වූ දේ

පැපුවා නිව්ගිනි රාජ්‍යයේ දුරස්ථ ප්‍රදේශයක සේවය කරමින් සිටියදී ප්‍රාණ ඇපයට ගත් ඔස්ට්‍රේලියානු ගුවන් නියමුවෙකු නිදහස් කර තිබෙනවා.

ප්‍රකාශයක් නිකුත් කරමින් පැපුවා නිව්ගිනි රාජ්‍යයේ පොලිස් කොමසාරිස් ඩේවිඩ් මැනිං පැවසුවේ ගුවන් නියමුවා සහ පැපුවා නිව්ගිනියාවේ කාර්මික ශිල්පීන් දෙදෙනෙකු අවි පෙන්වා තර්ජනය කර මෙලෙස පැහැරගෙන තිබූ බවයි.

ගුවන් නියමුවා සහ කාර්මික ශිල්පීන් යානය ගොඩ බැස්වීමත් සමඟම, ප්‍රදේශවාසීන් පිරිසක් පඳුරු අතරින් මතු වී, ඔවුන් පැහැරගෙන ඇති බව සඳහන්.

සිද්ධිය හෙළිවීමත් සමග ආරක්ෂක බලකාය මෙහෙයුම් ආරම්භ කරීම හමුවේ සන්නද්ධ කණ්ඩායම් පැහැරගත් තිදෙනා කිසිදු හානියකින් තොරව නිදහස් කර තිබෙනවා.

අනතුරුව ඔවුන් රැගත් හෙලිකොප්ටරය දකුණු කඳුකරයේ හයිඩ්ස් වෙත පියාසර කර ඇතැයි සඳහන්.

පොලිස් කොමසාරිස්වරයා අවධාරණය කළේ ප්‍රජාවන්ගේ ආරක්ෂාව හෑල්ලුවට ලක් කරන මෙම දේශීය ත්‍රස්තවාදීන්ට රටේ කිසිදු ඉඩක් නොමැති බවයි.

ඔස්ට්‍රේලියානු මහාචාර්යවරයෙක් සහ දේශීය පර්යේෂකයන් දෙදෙනෙක් ද පසුගිය 2023 වසරේ මෙම ප්‍රදේශයේදීම පැහැරගෙන තිබුණා.

විදේශ කටයුතු සහ වෙළඳ දෙපාර්තමේන්තුවේ ප්‍රකාශකයෙකු පැවසුවේ ඔස්ට්‍රේලියානු ජාතිකයා නිදහස් කිරීම ගැන සතුටු වන බවයි.

මහ සයුර මැද අසාධ්‍ය වූ ධීවරයා බේරා ගත් හෙලිකොප්ටර් මෙහෙයුම

ධීවර කටයුතුවල නිරත වෙමින් සිටියදී සාගරයේ සිටින සර්ප විශේෂයක දෂ්ඨනයක් හේතුවෙන් අසාධ්‍ය තත්වයට පත්වූ ධීවරයෙකු ප්‍රතිකාර සඳහා හෙලිකොප්ටර් මගින් ගොඩබිම වෙත රැගෙන විත් තිබෙනවා.

Read More »

වික්ටෝරියා ප්‍රාන්තයට ගේන්න ගිය මුදල් තොගය මග නතර වෙයි

ගෝල්ඩ් කෝස්ට් සිට මිල්ජුරා (Mildura) දක්වා ගමන් කිරීමට නියමිතව තිබූ ගුවන් යානයකට ඩොලර් 830,000ක මුදල් රැගෙන යාමට උත්සාහ කළ බව කියන පුද්ගලයෙක් ආරක්ෂක අංශ විසින් අත්අඩංගුවට ගෙන තිබෙනවා.

Read More »